وزیر خارجہ سے ازبک ہم منصب کی ملاقات -
The news is by your side.

Advertisement

وزیر خارجہ سے ازبک ہم منصب کی ملاقات

اسلام آباد: وزیر خارجہ شاہ محمود قریشی سے ازبکستان کے وزیر خارجہ کی ملاقات ہوئی۔ دونوں ممالک کے درمیان وفود کی سطح پر مذاکرات بھی ہوئے۔

تفصیلات کے مطابق ترجمان دفتر خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ ازبکستان کے وزیر خارجہ عبد العزیز کاملوف دفتر خارجہ پہنچے جہاں وزیر خارجہ شاہ محمود قریشی نے ان کا استقبال کیا۔

بعد ازاں دونوں ممالک کے درمیان وفود کی سطح پر مذاکرات ہوئے۔ پاکستانی وفد کی سربراہی شاہ محمود قریشی جبکہ ازبک وفد کی سربراہی ازبک وزیر خارجہ نے کی۔

اس موقع پر شاہ محمود قریشی کا کہنا تھا کہ پاکستان اور ازبکستان میں گہرے تعلقات ہیں، تعلقات افہام و تفہیم، مذہبی اور ثقافتی رشتوں پر مبنی ہیں۔

انہوں نے کہا کہ ازبکستان کے وزیر خارجہ کے دورے سے باہمی تعلقات کو مزید فروغ ملے گا۔

خیال رہے کہ ازبک وزیر خارجہ عبد العزیز کاملوف آج صبح ایک روزہ دورے پر پاکستان پہنچے۔ ازبک وزیر خارجہ کے ہمراہ 5 رکنی وفد بھی پاکستان آیا ہے۔

ازبکستان اور پاکستان کے درمیان دفتر خارجہ میں وفود کی سطح پر مذاکرات کے بعد ازبک وزیر خارجہ وزیر اعظم عمران خان سے بھی ملاقات کریں گے۔

یاد رہے کہ رواں سال ازبک وزیر خارجہ کا یہ دوسرا دورہ پاکستان ہے۔

Comments

comments

یہ بھی پڑھیں