The news is by your side.

Advertisement

پاکستان کا افغان تنازع کے حل کیلئے عالمی برادری سے کردار ادا کرنے کا مطالبہ

اسلام آباد : پاکستان نے عالمی برادری پر روز دیا ہے کہ افغان تنازع کے حل کیلئےعالمی برادری کو مشترکہ کردار ادا کرنا ہوگا تاہم پاکستان افغانستان میں امن کیلئے تعمیری کردار ادا کرتا رہے گا۔

تفصیلات کے مطابق پاکستانی دفتر خارجہ کی جانب سے بیان میں کہا گیا ہے کہ افغانستان میں رونماہونےوالی صورتحال کودیکھ رہےہیں، تمام افغان رہنماؤں کاملکردائمی امن واستحکام کی راہ ہموار کرنا ناگزیر ہے۔

ترجمان دفتر خارجہ کا کہنا تھا کہ افغان تنازع کےحل کیلئےعالمی برادری کومشترکہ کرداراداکرناہوگا، پاکستان نےافغانستان میں استحکام کیلئےہمیشہ سیاسی تصفیےپرزوردیا ہے ، پاکستان افغانستان میں امن کیلئےتعمیری کرداراداکرتارہےگا،دفترخارجہ

ترجمان نے مزید کہا کہ امید ہے ہماری کوششوں سے افغانستان میں امن،پائیدارترقی میں مدد ملے گی۔

گذشتہ روز پاکستانی دفتر خارجہ کا کہنا تھا کہ پاکستان کی افغانستان کی صورتحال پرگہری نظرہے، پاکستان افغانستان کےسیاسی حل کی کوششوں کی حمایت جاری رکھےگا اور امیدہے تمام افغان فریق سیاسی بحران کوحل کرنےکیلئےملکرکام کریں گے۔

ترجمان نے مزید کہا تھا کہ کابل میں پاکستان کا سفارتخانہ، پاکستانیوں،افغان شہریوں کومدد سمیت بین الاقوامی برادری کوپی آئی اےکےتعاون کیلئےضروری مددفراہم کررہاہے جبکہ سفارتی عملے،اقوام متحدہ کی ایجنسیوں ، بین الاقوامی تنظیمیں،میڈیا کیلئے ویزامعاملات کوآسان بنایاگیاہے اور وزارت داخلہ میں ایک خصوصی بین الوزارتی سیل قائم کیاگیاہے۔

Comments

یہ بھی پڑھیں