اسلام آباد: ہارٹ آف ایشیا اعلامیہ سے بھارتی پروپیگنڈا پر مبنی دہشت گردوں کی فہرست ختم کردی گئی۔ پاکستان نے مثبت سوچ کے ساتھ فہرست کو اعلامیہ کا حصہ بننے دیا تھا۔
تفصیلات کے مطابق ترجمان دفتر خارجہ نے اعلان کیا ہے کہ پاکستان نے سفارتی محاذ پر بڑی کامیابی حاصل کی ہے۔
دفتر خارجہ کے اعلان کے مطابق ہارٹ آف ایشیا اعلامیہ سے بھارتی پروپیگنڈا پر مبنی دہشت گردوں کی فہرست ختم کردی گئی۔
دہشت گرد تنظیموں کی یہ فہرست امرتسر اجلاس میں اعلامیہ کاحصہ بنائی گئی تھی۔
ترجمان کے مطابق پاکستان نے مثبت سوچ کے ساتھ فہرست کو اعلامیہ کا حصہ بننے دیا تھا تاہم بھارت نے فہرست کو پاکستان کے خلاف استعمال کیا۔
دفتر خارجہ کے مطابق باکو اجلاس میں پاکستان کے اعتراض پر فہرست کو اعلامیہ سے ہٹا دیا گیا تھا۔ اعتراض پر معاملہ انسداد دہشت گردی ورکنگ گروپ کو بھیجا گیا۔
ترجمان کا کہنا ہے کہ پاکستانی اعتراض کے بعد ورکنگ گروپ جامع فہرست مرتب کرے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
