اسلام آباد : امریکا کی جانب سے پاکستان پر ٹیرف کے نفاذ سے متعلق ترجمان دفترخارجہ کا ردعمل سامنے آگیا۔
تفصیلات کے مطابق امریکا کی جانب سے پاکستان پر ٹیرف کے نفاذ سے متعلق ترجمان دفترخارجہ کا ردعمل سامنے آگیا۔
اسلام آباد میں ہفتہ وار نیوز بریفنگ میں ترجمان دفترخارجہ شفقت علی خان نے امریکا کی جانب سے پاکستان پر ٹیرف کے نفاذ پر ردعمل دیتے ہوئے کہا ہم نے ٹیرف کے نفاذ کو نوٹ کیا ہے، اس معاملے کو دیکھ رہے ہیں۔
شفقت علی خان کا کہنا تھا کہ وزیراعظم نے اس بابت ایک کمیٹی بنائی ہے، ٹیرف کا ترقی پذیر ممالک پر اثر ہو رہا ہے، ٹیرف والے معاملے کو حل کرنا چاہیے۔
ترجمان دفترخارجہ نے کہا کہ پنی سرحدوں کوآزاداورمحفوظ بنانا ہماری پالیسی ہے، حکومت نےآئی ایف آرپی کولامرحلہ وارنفاذ کررہی ہے،ہم یہاں غیرقانونی مقیم ملکیوں کی واپسی پرعملدرآمد کررہے ہیں، افغانستان سے مذاکرات کے ٹی او آرز کا معاملہ افغان ڈیسک سے چیک کریں گے۔
مزید پڑھیں : پاکستان کا امریکا کے ساتھ نئے ٹیرف پر مذاکرات کیلئے وفد بھیجنے کا فیصلہ
یاد رہے گذشتہ روز وزیراعظم شہباز شریف کی زیر صدارت ملکی برآمدات میں اضافے اور امریکا کے نئے ٹیرف پر اجلاس ہوا تھا، جس میں امریکا کیساتھ تجارتی تعلقات اور نئے ٹیرف پر مذاکرات کیلئے وفد بھیجنے کا فیصلہ کیا گیا تھا۔
وزیراعظم نے وفد میں معروف کاروباری شخصیات اور برآمدکنندگان کی شمولیت کی ہدایت کرتے ہوئے وفد کو نئے ٹیرف پر مذاکرات کے بعد مستقبل کیلئے مفید لائحہ عمل کا ٹاسک دے دیا تھا۔
