اسلام آباد : دفتر خارجہ کا پاکستان کےمیزائل پروگرام سے تعلق کے الزام پر امریکی پابندیاں عائد کرنے کے حوالے سے درعمل آگیا۔
تفصیلات کے مطابق پاکستانی دفتر خارجہ نے پاکستان کے بیلسٹک میزائل پروگرام سے تعلق کے الزام پر امریکی پابندیوں پر ردعمل دیتے ہوئے کہا کہ پاکستان امریکی کارروائی کو جانبدارانہ اور سیاسی طور پر محرک سمجھتا ہے ، ماضی میں تجارتی اداروں کی اسی طرح کی فہرستیں شک پرمبنی تھیں۔
ترجمان نے بتایا کہ کچھ ممالک عدم پھیلاؤ کے اصولوں پر عمل پیرا ہونے کا دعویٰ کرتےہیں، ایسے ملک پسندیدہ ریاستوں کیلئےجدیدملٹری ٹیکنالوجیزکےلائسنس کی ضروریات کو معاف کر چکے ہیں۔
- Advertisement -
دفتر خارجہ کا کہنا تھا کہ دہرےمعیارات،امتیازی طرزعمل عالمی عدم پھیلاؤکی ساکھ کونقصان پہنچاتے ہیں، ایسےعمل عدم توازن میں اضافہ ،بین الاقوامی سلامتی کو خطرےمیں ڈالتے ہیں۔
