مسجد الحرام میں زائر عمرہ کو دل کا دورہ پڑا تاہم سعودی پیرا میڈکس نے دو منٹ کے اندر اس کو طبی امداد فراہم کر کے جان بچائی۔
سعودی خبر رساں ایجنسی ایس پی اے کے مطابق مسجد الحرام کے بیرونی صحن میں الجزائر سے تعلق رکھنے والے 60 سالہ عمرہ زائر کو دل کا دورہ پڑا جس کے باعث وہ بے ہوش ہو گیا۔
رپورٹ کے مطابق سعودی پیرا میڈیکس اطلاع ملنے پر فوری مذکورہ مقام پر پہنچا اور اس کو طبی امداد فراہم کرتے ہوئے چیسٹ کمپریشن ڈیوائس اور الیکٹریکل ڈیفبریلیٹر کی مدد سے 2 منٹ میں دل کی دھڑکن بحال کر کے زندگی بچائی۔
بعد ازاں مریض کو مزید علاج کے لیے قریبی صحت مرکز منتقل کر دیا گیا۔
واضح رہے کہ رواں رمضان المبارک میں سعودی ریڈ کریسنٹ حکام نے فوری طبی امداد کی فراہمی کے لیے اقدامات کیے ہیں اور اب تک اب تک 242 ایمرجنسی کیسز کو فوری طور پر قریبی صحت مراکز تک پہنچایا گیا ہے۔
مدینہ کارڈیک سینٹرنے رمضان کے پہلے 15 دن کے دوران پانچ ملکوں سے تعلق رکھنے والے عمرہ زائرین کی اوپن ہارٹ سرجری جبکہ 7 زائرین کی کارڈیک کیتھیٹرائزیشن کی ہے۔
اس کے علاوہ مینہ صحت مرکز نے بھی رمضان کے دوران 70 سے زیادہ قومیتوں سے تعلق رکھنے والے 23 ہزار14 افراد کومیڈیل اور ایمرجنسی سروسز فراہم کی ہیں۔
