لاہور : چیئرمین تحریک انصاف کے چیئرمین عمران خان پر حملہ کرنے والے ملزم نوید کے موبائل فون سے دو مختلف کمپنیوں کی سمز برآمد ہوئی ہیں اور 138 نمبرز اور 1869 کالز کا ریکارڈ مل گیا۔
تفصیلات کے مطابق چیئرمین تحریک انصاف عمران خان پر حملے کرنے والے ملزم نوید کے موبائل فون کی فرانزک رپورٹ سامنے آگئی۔
موبائل فون کی فرانزک رپورٹ میں بتایا گیا کہ ملزم کے فون سے2 مختلف کمپنیوں کی سمزبرآمدہوئیں اور فون سے 138 نمبرز اور اٹھارہ سو69 کالز کا ریکارڈ مل گیا۔
رپورٹ میں کہا گیا ہے کہ واٹس ایپ گروپ میں ایک نمبر علی رضا کے نام سے محفوظ تھا جبکہ ملزم کے فون سے 337 ایس ایم ایس 1956 تصاویر ،499 گفتگو کی کالز اور 212 ویڈیوز ملی ہیں۔
فرانزک رپورٹ میں کہنا ہے کہ ملزم کے فون سے ڈیلیٹ کیا گیا ڈیٹا نہیں ریکورکیا جاسکا تاہم فون کا تمام آڈیو اور وڈیو کی ڈی وی ڈی بناکر جے آئی ٹی کے حوالے کر دیا گیا ہے۔
رپورٹ کے مطابق نوید کے موبائل فون سے ملنے والا ایک نمبر تھائی لینڈ اور مقامی نمبر تفتیش کے لیے اہم ہیں۔
یاد رہے عمران خان پر ہونے والے قاتلانہ حملہ کی فرانزک رپورٹ منظر عام پر آئی تھی ، رپورٹ کے مطابق عمران خان کو گولیوں کے تین ٹکڑے اور ایک دھاتی ٹکڑا لگا، جائے وقوعہ سے ملنے والے دس گولیوں کے خول بھجوائے گئے جو عمران خان کے ٹرک پر فائر ہوئے۔
