لاہور: استحکام پاکستان پارٹی کے پیٹرن انچیف جہانگیرترین کے بھائی عالمگیر ترین کی موت کی فارنزک رپورٹ سامنے آگئی ، جس میں اس بات کی تصدیق ہوگئی کہ عالمگیرترین کی موت خودکشی سے ہوئی۔
تفصیلات کے مطابق استحکام پاکستان پارٹی کے پیٹرن انچیف جہانگیرترین کے بھائی عالمگیر ترین کی موت کی فارنزک رپورٹ تیار کرلی گئی۔
ذرائع نے بتایا کہ فارنزک رپورٹ میں عالمگیرترین کی موت خودکشی سے ہوئی، پستول پرفنگرپرنٹس اوردیگرشواہد عالمگیرترین کےاپنےہی ہیں۔
جہانگیر ترین کے بھائی عالمگیر ترین نے خودکشی کرلی تھی ، پولیس نے بتایا تھا کہ عالمگیر ترین نے سر میں گولی ماری اور خودکشی سے پہلے ایک خط بھی چھوڑا ہے، وہ گلبرگ لاہور میں رہائش پذیر تھے۔
جہانگیر ترین کو بھائی کی موت کی خبر پارٹی اجلاس کے دوران ملی، جس کے بعد وہ اجلاس چھوڑ کر روانہ ہوگئے تھے۔
پولیس کے مطابق انہوں نے اپنی بیماری سے پریشان ہوکر یہ انتہائی اقدام اٹھایا تھا تاہم پولیس کی جانب سے اس واقعے کے اصل حقائق تک پہنچنے کے لیے تفتیش جاری ہے۔
انویسٹی گیش پولیس نے عالمگیر خان ترین مرحوم کی منگیتر سے تحقیقات کی تھی ، پولیس ذرائع کے مطابق وقوعہ والے روز عالمگیر ترین کی مذکورہ خاتون کی آدھا گھنٹے تک فون پر بات ہوئی اور اسی رات ایک سے دو بجے کے درمیان انہوں نے مبینہ خودکشی کی۔
