بھارت کی ریاست مہاراشٹر کے جنگل میں ایک چیتے کو ریسکیو کرلیا گیا جو خطرناک گڑھے میں گرنے کے باعث پھنس چکا تھا۔
سوشل میڈیا پر وائرل ہونے والی ایک ویڈیو میں دیکھا جا سکتا ہے کہ محکمہ جنگلات کے اہلکار ایک گڑھے میں گرنے والے چیتے کو نکال رہے ہیں۔
انڈین فاریس سروس (آئی ایف ایس) کے آفیسر نے یہ ویڈیو سماجی رابطے کی ویب سائٹ ٹوئٹر پر شیئر کی جسے ہزاروں لوگوں نے دیکھا۔
ویڈیو میں دیکھا جا سکتا ہے کہ محکمہ جنگلات کے اہلکاروں نے چیتے کو نکالنے کے لیے پنجرے کو گڑھے میں اتارا اور چیتے کو اس میں قید کرلیا، پھر پنجرے کو باہر نکالا گیا۔
Forest staff rescuing a male leopard from an open well in Maharashtra. Please cover open wells to avoid such trauma for the wild animals. Spread the ward 🙏🙏 pic.twitter.com/JTFE4JlYIe
— Susanta Nanda IFS (Retd) (@susantananda3) June 18, 2022
آفیسر نے اپنی ٹوئٹ میں لوگوں سے درخواست کی کہ اس طرح کے گڑھوں کو کھلا نہ چھوڑیں تاکہ جنگلی حیات کے ساتھ ایسے واقعات پیش نہ آئیں۔
ٹوئٹر صارفین نے چیتے کو بغیر کسی نقصان کے کامیابی سے بچانے کے لیے محکمہ جنگلات کے اہلکاروں کی کوششوں کو سراہا۔
