شوبز کو اسلام کی خاطر خیرباد کہنے والی سابق بھارتی اداکارہ ثنا خان نے اپنے بیٹے کا نام ’سید طارق جمیل‘ رکھ دیا۔
بھارتی میڈیا رپورٹس کے مطابق بالی ووڈ کی سابق اداکارہ ثنا خان نے 2020 میں شوبز کو خیرباد کہہ دیا تھا اور مفتی انس سید سے شادی کی تھی۔
گزشتہ دنوں فوٹو اور ویڈیو شیئرنگ ایپ انسٹاگرام پر ثنا خان نے مداحوں کو بیٹے کی ولادت کی اطلاع دی تھی۔
انہوں نے لکھا تھا کہ ’اللہ ہمیں ہماری اولاد کے لیے بہترین نمونہ بنائے، اللہ کی امانت ہے، اسے بہترین بنانا ہے۔‘
View this post on Instagram
اب بھارتی میڈیا کا دعویٰ ہے کہ ثنا خان نے اپنے بیٹے کا نام ’سید طارق جمیل‘ رکھا ہے اور کہا ہے کہ نام کا شخصیت پر بہت اثر پڑتا ہے ہم اپنے بیٹے کے لییے ایک ایسا نام چاہتے تھے جو دین داری، بردباری، نرمی اور دیانت داری کی علامت ہو۔
ثنا خان نے کہا کہ ’مجھے ابھی تک یقین نہیں آرہا کہ یہ میری اولاد ہے، ماں بننا زندگی کا سب سے خوبصورت احساس ہے۔‘
انہوں نے کہا کہ ’مجھے ابھی تک ایسا لگتا ہے کہ میں نے کسی اور کا بچہ اٹھایا ہوا ہے، ماں باپ بننا زندگی بھر کی ذمہ داری ہے، وہ بہت چھوٹا ہے مجھے نہیں پتا اسے کیسے اٹھانا چاہیے میری ساس ہی بیٹے کا ڈائپر تبدیل کرتی ہیں۔‘
یاد رہے کہ ثنا خان اور مفتی انس نومبر 2020 میں رشتہ ازدواج میں منسلک ہوئے تھے۔
