وفاقی دارالحکومت اسلام آباد میں دوست نے سابق سفارتکار کی بیٹی کو قتل کر دیا۔
پولیس کے مطابق واقعہ تھانہ کوہسار کے علاقے میں پیش آیا جہاں 22 سالہ لڑکی کو اس کے دوست نے قتل کر دیا۔
پولیس کا کہنا ہے کہ دوست کےہاتھوں قتل ہونےوالی لڑکی سابق سفارتکار کی بیٹی ہے اور قتل کرنے والے ملزم کو گرفتار کر لیا گیا۔
پولیس کے مطابق واقعےمیں ایک اورشخص بھی زخمی ہوا ہے واقعے کی تفتیش شروع کر دی ہے اور ابتدائی شواہد اکٹھے کر لیے گئے ہیں۔
فی الحال پولیس نے مقتولہ اور ملزم کی شناخت ظاہر نہیں کی اور نہ ہی قتل کی وجہ سامنے آئی ہے۔
اطلاعات کے مطابق گرفتار ملزم کراچی کی مشہور کاروباری شخصیت کا بیٹا ہے اور اس کا نام ظاہر جعفر بتایا جارہا ہے جب کہ مقتولہ کی شناخت نور مقدم کے نام سے ہوئی ہے.
