انگلینڈ کے سابق کرکٹر نے چیمپئنز ٹرافی 2025 کے لیے پاکستان کو فیورٹ قرار دے دیا۔
جیسے جیسے چیمپئنز ٹرافی کا وقت قریب آرہا ہے شائقین کے ساتھ ساتھ سابق کرکٹرز کا بھی جُوش و خروش بڑھتا جارہا ہے۔ کرکٹ ماہرین اور سابقین ایونٹ کی مضبوط ٹیموں اور بہترین کھلاڑیوں سے متعلق اپنی اپنی پیش گوئیاں کر رہے ہیں۔
ایسے ہی انگلینڈ کے سابق کرکٹر ریان سائیڈ باٹم کا خیال ہے کہ پاکستان کے پاس آئی سی سی چیمپئنز ٹرافی 2025 جیتنے کا قوی موقع ہے۔
ایک مقامی نیوز چینل سے بات کرتے ہوئے سابق فاسٹ باؤلر نے کہا کہ پاکستان کو ہوم کنڈیشنز میں کھیلنے کا فائدہ ہوگا، جس سے وہ ٹائٹل کے سب سے زیادہ دعویدار بن جائیں گے۔
ان کا کہنا تھا کہ پاکستان کو مقامی حالات کا فائدہ ہوگا اور وہ ٹورنامنٹ کے لیے فیورٹ ہیں تاہم انہوں نے واضح کیا کہ ان کی حمایت اپنی ہوم ٹیم کے ساتھ برقرار ہے۔ انہوں نے مزید کہا کہ ایک انگلش کھلاڑی کی حیثیت سے میں انگلینڈ کی ٹیم کو سپورٹ کروں گا۔
