واشنگٹن : امریکی خفیہ ایجنسی کے سابق سربراہ نے امریکی صدر پر الزام عائد کرتے ہوئے کہا ہے کہ ٹرمپ نے مسلسل جھوٹ بول کر ایف بی آئی کو نقصان پہنچایا ہے۔
تفصیلات کے مطابق امریکی صدر ڈونلڈ ٹرمپ کو زبردستی عہدوں سے برطرف کیے گئے وزراء اور اداروں کے سربراہان کی جانب الزامات کا سامنا کرنا پڑرہا ہے، سابق امریکی وزیر خارجہ ریکس ٹیلرسن کے بعد امریکی خفیہ ایجنسی کے برطرف کیے گئے ڈائریکٹر جیمز کومی نے بھی ٹرمپ پر الزامات کی بوچھاڑ کردی۔
سابق ایف بی آئی ڈائریکٹر جیمز کومی کا کہنا ہے کہ ڈونلڈ ٹرمپ نے ایف بی آئی سے متعلق مسلسل غلط بیانی کرکے ایجنسی کی ساکھ کو تباہ کردی جس نے قانون کی بھی حکمرانی داؤ پر لگادی۔
امریکی خبر رساں ادارے کے مطابق جیمز کومی کا کہنا تھا کہ اچھے افراد ٹرمپ کو عاقل نہیں سمجھتے۔
ان کا کہنا تھا کہ ڈونلڈ ٹرمپ کی جماعت حق و سچ کا ساتھ دینے میں کمزور ثابت ہوئی ہے، آج حق کا ساتھ دینے والے اور قانون کی حکمرانی دیکھنے والے ری پبلکن اراکین کہاں ہے۔
مزید پڑھیں : ڈونلڈ ٹرمپ نے ایف بی آئی ڈائریکٹر کو عہدے سے ہٹا دیا
خیال رہے کہ 10 مئی 2017 کوامریکی صدر ڈونلڈ ٹرمپ نے وفاقی تفتیشی ادارے ایف بی آئی کے ڈائریکٹر جیمز کومی کو ٹرمپ ٹیم اور روس کے خلاف تحقیقات کرنے کے باعث عہدے سے برطرف کر دیا تھا۔
مزید پڑھیں : کانگریس نے ایف بی آئی کے سابق ڈائریکٹر کو طلب کرلیا‘ ٹرمپ کے لیے خطرے کی گھنٹی
جیمز کومی کا دعویٰ کیا تھا کہ صدر ٹرمپ نے انہیں نیشنل سیکورٹی ایڈوائزر مائیکل فلن کیخلاف مجرمانہ تحقیقات ختم کرنے کیلئے دباؤ ڈالا تاہم سینیٹرز نے سوال کیا کہ انہوں نے صدر کو کیوں نہیں کہا کہ وہ انہیں ایسی بات نہیں کہہ سکتے جس پر کومی نے کہا کہ وہ صدر ٹرمپ کی باتوں پر دنگ اور حیران تھے۔
