ہفتہ, مئی 18, 2024
اشتہار

میرا دل غزہ کے معصوم لوگوں کے لیے روتا ہے، ثنا خان

اشتہار

حیرت انگیز

ممبئی: بالی ووڈ کو خیرباد کہنے والی سابقہ بھارتی اداکارہ ثنا خان نے کہا ہے کہ میرا دل غزہ کے معصوم لوگوں کے لیے روتا ہے۔

ثنا خان نے فوٹو اینڈ ویڈیو شیئرنگ ایپ انسٹاگرام پر فلسطینی پرچم کی ویڈیو پوسٹ کی اور ساتھ ہی ظلم کے شکار فسلطینی عوام کے لیے پیغام بھی لکھا۔

اُنہوں نے کہا کہ جب اللہ تمہارے ساتھ ہو تو کسی سے نہ ڈرو، یہ جملہ صحیح معنوں میں فلسطینیوں کی نمائندگی کرتا ہے۔

- Advertisement -

ثنا خان نے کہا کہ میرا دل ہر روز غزہ کے بےگناہ اور معصوم لوگوں کے لیے روتا ہے، میرے بہن بھائیوں کے ساتھ غزہ میں جو کچھ ہورہا ہے، اُسے دیکھ کر روزانہ کام کرنا بہت مشکل ہے۔

اُنہوں نے یہ بھی کہا کہ اللہ تعالیٰ نے اہل فلسطین کو اسی طرح چن لیا ہے جس طرح اس نے اپنی اعلیٰ جنت کے لیے بدری صحابی کو چنا تھا۔

ثنا خان نے دعاوْں کی اپیل کرتے ہوئے کہا کہ دعا کرتے رہیں کہ اللہ ہم سب کی حفاظت فرمائے, ہمیں طاقت اور صبر عطا فرمائے اور ہمیں بھی اپنی جنت کے لیے چن لے۔

واضح رہے کہ 7 اکتوبر سے جاری اسرائیلی بمباری میں شہدا کی تعداد 12 ہزار سے تجاوز کرگئی جب کہ 25 ہزار سے زائد زخمی ہیں۔

غزہ میں 6 لاکھ سے زائد افراد بے گھر ہوچکے ہیں جو ان کیمپوں میں اور اسکولوں میں پناہ لینے پر مجبور ہوگئے جن پر اب اسرائیل بمباری کر رہا ہے۔ 5 مساجد کو بھی شہید کیا جا چکا ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں