ملائیشیا کے سابق وزیرِاعظم مہاتیر محمد کو طبیعت کی خرابی کے باعث اسپتال میں داخل کرادیا گیا ہے۔
بین الاقوامی خبر رساں ادارے کی رپورٹ کے مطابق سابق وزیراعظم کے مشیر کا کہنا تھا کہ 99 سالہ مہاتیر محمد کو سانس کی نالی میں انفیکشن کے سبب کل شام اسپتال داخل کرایا گیا تھا۔
ملائیشیا کے سابق وزیرِاعظم کو دل کے مسائل بھی درپیش ہیں، جبکہ آخری بار انہیں جولائی میں بھی اسپتال داخل کرایا گیا تھا۔ وہ 1981ء سے 2003ء تک 22 سال تک وزیرِ اعظم کے منصب پر فائز رہ چکے ہیں۔
دوسری جانب ملائیشیا جانے والوں کے لئے اہم خبر سامنے آگئی، ویزا حاصل کرنے کے لیے چند قواعد و ضوابط کو مدنظر رکھنا ہوگا جبکہ پاکستانی شہری الیکٹرانک ویزا بھی اپلائی کرسکتے ہیں۔
ہر سال سیاحوں کی ایک بڑی تعداد ملائیشیا کا رخ کرتی ہے کیونکہ یہاں کے ساحل، سرسبز جنگلات، بارشیں اور تاریخی مقامات کا امتزاج لوگوں کو اپنی طرف متوجہ کرتا ہے، ملائیشین قوانین کے مطابق غیرملکیوں کو بطور سیاح ملک کا سفر کرنے سے پہلے وزٹ ویزا حاصل کرنا ضروری ہے۔
پاکستانی شہری یا دیگر ممالک سے آنے والے لوگ چھ ماہ کی میعاد کے ساتھ ملائیشیا کے الیکٹرانک ویزا حاصل کرنے کے لیے درخواست دینے کے اہل ہیں، ای ویزا منظور ہونے کی تاریخ سے چھ ماہ تک درست ہوتا ہے۔
پاکستانیوں کیلیے ملائیشیا کا وزٹ ویزا، فیس اور دستاویز
ملائیشیا کے ای ویزا کے لیے درکار دستاویزات میں پاکستانی پاسپورٹ، پاکستانی پاسپورٹ کے بائیوگرافیکل معلومات کے صفحے کی ڈیجیٹل کاپی، درخواست گزار کی حالیہ پاسپورٹ سائز تصویر، رہائش کا ثبوت، سفر کی مدت کے لیے فنڈز کا ثبوت اور ریٹرن ٹکٹ شامل ہے۔
