مالی: مالدیپ کے سابق صدر عبداللہ یامین کو منی لانڈرنگ کے الزام میں 5 سال قید کی سزا سنا دی گئی۔
غیرملکی خبررساں ادارے کے مطابق مالدیپ کے سابق صدر عبداللہ یامین کو ایک نجی کمپنی کے ذریعے 10 لاکھ ڈالر کی سرکاری رقم لینے کے الزام میں 5 سال قید کی سزا سنا دی گئی۔
سابق صدر کو جب سزا سنائی گئی اس وقت ان کے حامیوں کی بڑی تعداد عدالت کے باہر موجود تھی جنہوں نے عبداللہ یامین کو بے قصور قرار دیا۔
عبداللہ یامین کو سزا دینے والے عدالتی پینل کے سربراہ جج نے کہا کہ بلا شکوک وشہبات یہ بات ثابت ہوچکی ہے کہ عبداللہ یامین نے رقم لی اور وہ جانتے تھے کہ ریاست سے غبن کیا گیا۔
سابق صدر نے مالدیپ پر 5 سال حکومت کی اور انہیں گزشتہ سال الیکشن میں ناکامی کا سامنا کرنا پڑا جس کے بعد انہیں اپنے دور حکومت میں کئی منصوبے ختم ہونے پر تفتیش کا سامنا ہے۔
مالدیپ کے سابق صدررشوت دینے کےالزام میں گرفتار
یاد رہے کہ رواں سال فروری میں مالدیپ کی حکومت نے سابق صدر عبداللہ یامین کو گواہوں کو رشوت دینے کے الزام میں گرفتار کیا تھا۔
