اوکاڑہ : پی ٹی آئی کے سابق رکن قومی اسمبلی سید گلزار سبطین شاہ انتقال کرگئے مرحوم کی نماز جنازہ آج بعد نماز ظہر ادا کی جائے گی۔
پاکستان تحریک انصاف کے سابق ممبر قومی اسمبلی سید گلزار سبطین شاہ حرکت قلب بند ہوجانے کی وجہ سے انتقال کرگئے، ان کی نماز جنازہ ایک بجے دوپہر ان کے آبائی گاؤں مصطفیٰ آباد اوکاڑہ میں ادا کی جائے گی۔
خاندانی ذرائع کے مطابق سید گلزار سبطین کو رات گئےدل کا دورہ پڑا جو جان لیوا ثابت ہوا اور اسپتال پہنچنے سے قبل ہی دار فانی سے کوچ کرگئے۔
- Advertisement -
مرحوم سید گلزار سبطین نے سال2018کے انتخابات میں پی ٹی آئی کے ٹکٹ پر الیکشن لڑا تھا، وہ آخری وقت تک پارٹی سے منسلک اور وفادار رہے۔
صوبائی وزراء صمصام بخاری ،اعجاز عالم آگسٹین ممبر قومی اسمبلی ریاض الحق جج نے گلزار سبطین کے انتقال پر افسوس کا اظہار کرتے ہوئے مرحوم کے لواحقین سے تعزیت کی ہے۔
