The news is by your side.

Advertisement

سابق وزیراعظم بھی کورونا وائرس کا شکار

لاہور : سابق وزیر اعظم اور پیپلز پارٹی کے رہنما یوسف رضا گیلانی میں بھی کورونا وائرس کا شکار ہوگئے ، ان کے بیٹے قاسم گیلانی نے کہا عمران خان حکومت،نیب کاشکریہ،میرےوالدکی زندگی خطرےمیں ڈال دی۔

تفصیلات کے مطابق سابق وزیر اعظم اور پیپلز پارٹی کے رہنما یوسف رضا گیلانی میں بھی کورونا وائرس کی تشخیص ہوگئی،یوسف رضا گیلانی کے بیٹے قاسم گیلانی نے سماجی رابطے کی ویب سائٹ ٹوئٹر پر والد کا کورونا ٹیسٹ مثبت آنے کی تصدیق کی۔

قاسم گیلانی نے اپنے پیغام میں کہا کہ عمران خان حکومت،نیب کاشکریہ،میرےوالدکی زندگی خطرےمیں ڈال دی جبکہ عوام سے اپنے والد کے لیے دعا کی اپیل بھی کی۔

خیال رہے یوسف رضاگیلانی کورونا وباکےدوران نیب عدالت میں پیش ہوئےتھے۔

یاد رہے آج خیبر پختونخوا اسمبلی کے اسپیکر مشتاق غنی اور سابق کرکٹر شاہد آفریدی میں بھی کورونا وائرس کی تشخیص ہوئی تھی۔

اس سے قبل قومی اسمبلی میں قائد حزب اختلاف شہباز شریف سمیت سابق اسپیکر قومی اسمبلی ایازصادق، احسن اقبال، شاہد خاقان عباسی، طاہرہ اورنگزیب اور مریم اورنگزیب کا بھی کورونا ٹیسٹ مثبت آیا تھا، جس کے بعد تمام رہنماؤں قرنطینہ میں ہیں۔

Comments

یہ بھی پڑھیں