لاہور: پنجاب کے سابطق وزیر اعلیٰ عثمان بزدار نے کہا ہے کہ خدشہ ہےکہ پولیس کسی وقت بھی گرفتار کر سکتی ہے۔
تفصیلاے کے مطابق اینٹی کرپشن پنجاب کی طرف سے عثمان بزدار کی گرفتاری کے معاملے پر حفاظتی ضمانت کی درخواست پر سماعت ہوئی، عدالت نے اینٹی کرپشن حکام کوعثمان بزدار کی گرفتاری سے روک رکھا ہے۔
لاہور ہائیکورٹ عثمان بزدار کو اینٹی کرپشن انکوائری میں پیش ہونے کی ہدایت کر رکھی ہے تاہم وہ آج بھی پیش نہیں ہوئے جس پر عدالت نے کہا کہ اگر آج وہ پیش نہ ہوئے تو ضمانت کی درخواست خارج کردیں گے۔
تاہم دوسری جانب عدالت نے اینٹی کرپشن کے وکیل کی عثمان بزدار کو گرفتار ی کرنے کا حکم واپس لینے کی استدعا مسترد کرتے ہوئے کل تک توسیع کردی ہے۔
سماعت سے قبل سابق وزیر اعلیٰ پنجاب عثمان بزدار نے کہا کہ نگران حکومت سیاسی بنیادوں پر کیسز درج کررہی ہے، اینٹی کرپشن میں جاری انکوائریوں میں پیش ہورہا ہوں، گزشتہ روز اینٹی کرپشن حکام نے گرفتار کرنے کی کوشش کی مجھے خدشہ ہےکہ پولیس کسی وقت بھی گرفتار کر سکتی ہے۔
انہوں نے کہا کہ متعلقہ عدالت سے ضمانت اور شامل تفتیش ہونا چاہتا ہوں، اس لیے میری استدعا ہے کہ عدالت ڈی جی اینٹی کرپشن کو درج مقدمات کا ریکارڈ فراہم کرنےکا حکم دے۔
