The news is by your side.

Advertisement

منگھو پیر پولیس کے سابق ایس ایچ او کا لینڈ گریبرز سے گٹھ جوڑ کا انکشاف

کراچی : منگھو پیر پولیس کے سابق ایس ایچ او کو لینڈ گریبرز سے گٹھ جوڑ کے انکشاف کے بعد معطل کرکے مقدمہ درج کرلیا گیا ، مقدے میں کہا گیا کہ سابق ایس ایچ او عدنان نے لینڈگریبرکے کہنے پر مزدوروں کو اغوا کیا۔

تفصیلات کے مطابق منگھو پیر پولیس کےسابق ایس ایچ او کا لینڈ گریبرز سے گٹھ جوڑ کا انکشاف ہوا، جس کے بعد سابق ایس ایچ او عدنان کو لینڈ گریبر سے گٹھ جوڑ پرمعطل کیا گیا جبکہ عدنان اور ساتھیوں کیخلاف مقدمہ عدالتی حکم پردرج ہوا۔

مقدمے میں اغوا، اقدام قتل،حبس بےجا اور ڈکیتی کی دفعہ شامل کی گئی اور کہا گیا کہ سابق ایس ایچ او عدنان نے لینڈ گریبر کے کہنے پر مزدوروں کواغواکیا۔

ایف آئی آر میں مدعی کے حیرت انگیز انکشافات سامنے آگئے، جس میں بتایا کہ ملزم سابق ایس ایچ اوعدنان نے5 بےگناہ افراد کو4روزحبس بےجامیں رکھا، 6 مزدوروں کو مبینہ لینڈ گریبر علی حسن بروہی کے کہنے پر اغواکیا گیا، تمام مزدور ایک بلڈرکی زمین پر رکھوالی کررہے تھے۔

سابق ایس ایچ اونےمزدوروں کوحبس بےمیں رکھ کر کروڑوں کی زمین پرقبضہ کرایا، منگھوپیر تھانےپر مجسٹریٹ کی جانب سے چھاپہ مار کر مزدوروں کو بازیاب کرایا گیا جبکہ مدعی مقدمہ کی جانب سے ایک مرتبہ پھر عدالت کو شکایت کی گئی۔

سابق ایس ایچ او نے تفتیشی افسر کے ساتھ ملکر کیس کو بی کلاس کردیا ، پولیس حکام کی جانب سے معاملے کی مزید تفتیش کا عمل جاری ہے۔

Comments

یہ بھی پڑھیں