The news is by your side.

Advertisement

ڈونلڈ ٹرمپ کے سابق ملازم کی سوشل میڈیا پراوباما کو قتل کی دھمکی

واشنگٹن : امریکی خفیہ ادارے کے مطابق ڈونلڈ ٹرمپ کے سابق ملازم کی طرف سے فیس بک پر صدر اوباما کے قتل کے حوالے سے کی گئی پوسٹ سے آگاہ ہیں، جس پر تفتیش کی جائے گی.

تفصیلات کے مطابق 84 سالہ انتھونی سینیکل کی جانب سے دھمکی آمیز متعدد پوسٹ فیس بک پر کی گئی، جس میں صدر اوباما کو قتل کرنے کے بارے میں لکھا گیا تھا. انتھونی نے17 سال کے لئے ممکنہ ریپبلکن امیدوار کے ملازم کے طور پر خدمات انجام دیں.

انتھونی نے بدھ کی روز آن لائن فیس بک پر پوسٹ کی جسے صرف ان کے دوستوں کی جانب سے ہی دیکھا جاسکتا تھا، جس میں انہوں نے لکھا کہ میں اوباما کو اور اس کے کردار کو زیرو سمجھتا ہوں،امریکی افواج اسےاس کی پہلی مدت میں ہی ماردیتی.

اپریل 2015 میں بھی انتھونی کی جانب سے آن لائن پوسٹ کی گئی تھی، جس میں انہوں نے لکھا تھا کہ امریکہ کو اس حکومت سے جان چھڑانی چاہیے.

امریکہ کی خفیہ ایجنسی صدر اوباما کی سیکورٹی کی ذمہ دار ہے، انہوں نے کہا کہ انتھونی کی طرف سے کی گئی پوسٹ کے بارے میں آگاہ ہیں، اور اسکی تحقیقات کی جائیگی.

Comments

comments

یہ بھی پڑھیں