اسلام آباد: ملزمان نے فائرنگ کرکے سابق یوسی چیئرمین سید ابرار شاہ اور ان کے تین ساتھیوں کو قتل کردیا۔

اے آر وائی نیوز کے مطابق پولیس نے بتایا کہ علاقہ تھانہ شہزاد ٹاؤن میں سابقہ دشمنی کی بنا پر فائرنگ کرکے 4 افراد کو قتل کردیا گیا ہے۔ جاں بحق افراد میں سابق یوسی چیئرمین سید ابرار شاہ شامل ہیں۔

ترجمان پولیس کا کہنا تھا کہ مقتولین گاڑی پر سوار تھے اس دوران ملزمان کی جانب سے ان پر فائرنگ کی گئی۔

پولیس حکام نے مزید بتایا کہ ملزمان کی گرفتاری کے لیے ناکہ بندی کرکےٹیمیں تشکیل دے دی گئی ہیں۔

ڈی پی او اور پولیس نفری موقع پر موجود ہے۔ جاں بحق ہونے والوں میں رفاقت، سید علی شیر اور صاحب گل بھی شامل ہیںْ