تازہ ترین

خیبر پختونخوا میں بھی انتخابات کیلیے 8 اکتوبر کی تاریخ مقرر

پنجاب کے بعد خیبر پختونخوا میں بھی عام انتخابات...

’عدالتی اصلاحات بل پر کیا فیصلہ کروں گا یہ کہنا قبل ازوقت ہے‘

اسلام آباد: صدر مملکت ڈاکٹر عارف علوی نے عدالتی...

قومی اسمبلی میں‌ عدالتی اصلاحات کا بل منظور

اسلام آباد: قومی اسمبلی نے عدالتی اصلاحات پر مشتمل...

بانی ایم کیو ایم برطانیہ میں ایک کروڑ پاؤنڈز مالیت کی 6 پراپرٹیز کا کیس ہار گئے

لندن: لندن ہائی کورٹ میں بانی ایم کیو ایم ایک کروڑ پاؤنڈز مالیت کی چھ پراپرٹیز کا کیس ہار گئے، ایم کیو ایم سیکریٹریٹ سمیت 6 پراپرٹیز کا مقدمہ لندن کی عدالت میں زیر سماعت تھا۔

تفصیلات کے مطابق بانی ایم کیو ایم برطانیہ کی عدالت میں مقدمہ ہار گئے، ایم کیوایم پاکستان نے بانی ایم کیوایم کیخلاف ایک کروڑ پاؤنڈز مالیت 6 پراپرٹیز کا کیس جیت لیا۔

جج کلائیو جونز نے ریمارکس دیئے الطاف حسین 2016 سے پارٹی میں نہیں رہے اس لیے ان پراپرٹیز کی اصل مالک ایم کیو ایم پاکستان ہے۔

کیس کے متعلق ندیم نصرت بیان دینے کیلئے لندن عدالت میں پیش ہوئے جبکہ ڈاکٹر فاروق ستار نے ویڈیو لنک کے ذریعے بیان ریکارڈ کروایا تھا۔

مقدمہ ایم کیوایم پاکستان کےسید امین الحق کی جانب سے لندن کی عدالت میں کیاگیا تھا، جسکا عدالت نے متحدہ پاکستان کے حق میں آج فیصلہ دیا ہے۔

امکان ظاہر کیا جا رہا ہے کہ بانی ایم کیو ایم عدالتی فیصلے کے خلاف اپیل کریں گے

چند ماہ بعد کیس کے دوسرے حصے کی ٹرائل بھی شروع ہو گی جس میں جائیدادوں سے ہونے والی آمدن زیر سماعت ہو گی۔

خیال رہے ایم کیو ایم سیکریٹریٹ سمیت 6پراپرٹیز کا مقدمہ لندن کی عدالت میں زیر سماعت تھا۔

پراپرٹیز کی تفصیل: جوابے دیو ہاؤس ایجوبیئر جہاں الطاف حسین رہائش پذیر ہیں، ہائی ویو گارڈن فرسٹ 12 ہاؤس، ہائی ویو گارڈنز سیکنڈ ہاؤس، جہاں افتخار حسین اپنی فیملی کے ساتھ رہائش پذیر ہیں۔

وٹ چرچ لین فرسٹ ہاؤس، جو لاجرز ہاؤس کے طور پر استعمال کیا جاتا ہے، وٹ چرچ لین سیکنڈ ہاؤس، 53 بروک فیلڈ ایونیو ہاؤس، جہاں سلیم شہزاد اپنی فیملی کے ساتھ رہائش پذیر ہیں اور ایم کیو ایم فرسٹ فلور ملز بتھ ہاؤس کا دفتر، جو انٹرنیشنل سیکریٹریٹ کے طور پر جانا جاتا ہے۔

Comments

زاہد نور
زاہد نور
زاہد نور اے آر وائے نیوز کے ساتھ مانچسٹر سے بطور نمائندہ خصوصی منسلک ہیں