کراچی: سولجر بازار پولیس نے کارروائی کرتے ہوئے بزرگ شہری کو گھر میں گلا دبا کر قتل کرنے والے چاروں ملزمان کو گرفتار کرلیا۔
تفصیلات کے مطابق پولیس کا کہنا تھا کہ 18 جنوری کو سولجر بازار کے فلیٹ سے بزرگ شہری کی لاش ملی تھی۔ ملزمان نے بزرگ شہری کا گلا دبا کر قتل کرنے کے بعد گھر میں لوٹ مار کی تھی۔
مقتول عبد الستار فلیٹ میں اکیلا تھا جب کہ اس کی فیملی بیرون ملک مقیم تھی۔ ملزمان نے واردات سے ایک روز قبل فورسیلنگ کے کام کیلئے گھر کا وزٹ کیا تھا۔
ملزمان کام کے بہانے مقتول کے گھر آئے اور لوٹ مار کی۔ سولجر بازار پولیس نے کارروائی کرتے ہوئے واقعے میں ملوث 4 افراد کو گرفتار کرلیا ہے۔
پولیس نے بتایا کہ ملزمان سے لوٹے گئے موبائل فونز، ملکی و غیرملکی کرنسی اور دیگر سامان برآمد کرلیا گیا ہے۔
Comments
- Advertisement -
