بچے مختلف کھیل کھیلتے ہیں لیکن بعض اوقات کچھ کھیل نادانستہ طور پر موت کا کھیل بن جاتے ہیں جیسا کہ چار بچے کار میں بند کر ہلاک ہو گئے۔
یہ افسوسناک واقعہ بھارتی ریاست آندھرا پردیش میں پیش آیا جہاں چار بچے کار کے اندر کھیل رہے تھے کہ اچانک کار کا دروازہ لاک ہوگیا اور بچے دم گھٹنے کی وجہ سے ہلاک ہوگئے۔
بھارتی میڈیا کے مطابق یہ واقعہ گاؤں کے مہیلا منڈل دفتر کے پاس اس وقت پیش آیا جب بچے وہاںکھڑی ایک لاوارث کار میں بیٹھ کر کھیل رہے تھے۔ مرنے والے بچوں کی عمریں 6 سے 8 سال کے درمیان ہیں۔
یہ واقعہ ایسٹ گوداوری ضلع کے دوارا پُڑی گاؤں میں پیش آیا۔ مرنے والے بچوں کی عمر 6 سے 8 سال کے درمیان ہے۔ یہ سبھی اپنے رشتہ دار کے یہاں شادی کی تقریب میں شرکت کے لیے آئے تھے۔
رپورٹ کے مطابق بدنصیب بچے اپنے رشتہ دار کے گھر شادی میں آئے ہوئے تھے۔ گھر سے باہر کھیلنے نکلے اور ایک لاوارث کھڑی کار کے اندر جا کر کھیلنے لگے۔ اچانک غلطی سے اندر سے دروازہ بند ہوگیا۔
جب تک لوگوں کو اس واقعہ کا پتہ چلا تب تک بہت دیر ہوچکی تھی اور چار بچے دم گھٹنے کے باعث مر چکے تھے۔ مرنے والوں میں تین بچیاں اور ایک بچہ شامل ہے۔
اطلاع ملتے ہی مقامی انتظامیہ اور پولیس کی ٹیم موقع پر پہنچی اور تحقیقات شروع کر دیں جب کہ اس واقعہ کے بعد پورا گاؤں سوگ میں ڈوب گیا اور شادی کا گھر ماتم کدہ میں تبدیل ہو گیا۔
