کوئٹہ : خروٹ آباد کے ایک گھر میں گیس لیکج دھماکے کے نتیجے میں چار بچے موقع پر جاں بحق جبکہ ماں شدید زخمی ہوگئی۔
تفصیلات کے مطابق کوئٹہ کے نواحی علاقے خروٹ آباد کے بادیزئی ٹاون میں واقع گھر میں الصبح گیس لیکج کے باعث روز دار دھماکہ ہوا۔
دھماکے کے نتیجے میں چار بچے موقع پر جاں بحق جبکہ ماں شدید زخمی ہوگئی، ماں اور ساتھ دوسری زخمی خاتون کو بی ایم سی منتقل کر دیا جبکہ دھماکہ کے نتیجے میں گھر مکمل تباہ ہوگیا ہے۔
دوسری جانب سبزل روڈ کے علاقے میں گھر میں گیس لیکج کے باعث دم گھٹنے سے سے پولیس کا سب انسپیکٹر جاں بحق ہوگیا جبکہ بیوی بے ہوش ہوگئی۔
گزشتہ روز کوئٹہ جان محمد روڈ پر گیس لیکیج کے باعث چار افراد جاں بحق جبکہ سریاب میں بھی گیس لیکیج کے باعث نوجوان جاں بحق ہوگیا تھا۔
خیال رہے دو دن کے دوران کوئٹہ میں گیس لیکج کے باعث ہونے والے دھماکوں اور دم گھٹنے سے 10 افراد جاں بحق ہوئے۔
