شیخوپورہ میں ڈمپرنے کار کوروند ڈالا‘ 4 افراد جاں بحق -
The news is by your side.

Advertisement

شیخوپورہ میں ڈمپرنے کار کوروند ڈالا‘ 4 افراد جاں بحق

شیخوپورہ : صوبہ پنجاب کے شہر شیخوپورہ میں تیزرفتار ڈمپر اور کار میں تصادم کے نتیجے میں 4 افراد جاں بحق جبکہ ایک شخص زخمی ہوگیا۔

تفصیلات کے مطابق شیخوپورہ میں لاہور روڈ پرسلیم کوٹ کے قریب تیزرفتار ڈمپر نے کار کو روند ڈالا، حادثے میں چار افراد جان کی بازی ہار گئے جبکہ ایک زخمی ہوگیا۔

حادثے میں زخمی ہونے والے شخص کو فوری طبی امداد کے لیے اسپتال منتقل کردیا گیا جبکہ جاں بحق ہونے والے افراد کی لاشوں کو اسپتال منتقل کردیا گیا جہاں قانونی کارروائی کے بعد لاشوں کو ورثا کے حوالے کردیا جائے گا۔

پولیس حکام کے مطابق جاں بحق افراد کی عبدالواحد، طاہر، اسرار اور عمر کے نام سے شناخت ہوئی ہے، جاں بحق افراد میں 2 مقامی کونسلر ہیں جبکہ چاروں افراد کا تعلق مانانوالہ سے ہے۔


چکوال : بس اور ٹرالرمیں تصادم‘ 4 افراد جاں بحق


خیال رہے کہ گزشتہ ہفتے صوبہ پنجاب کے شہر چکوال میں مسافر بس اور ٹرالر کے درمیان تصادم کے نتیجے میں 4 افراد جاں بحق جبکہ 20 افراد زخمی ہوگئے تھے۔

یاد رہے کہ گزشتہ ماہ 12 فروری کو حیدرآباد کے قریب ٹنڈو محمد خان روڈ پر ہوسڑی کے قریب تیز رفتار ٹرک اور وین کے درمیان ہونے والے تصادم کے باعث 10 افراد جان کی بازی ہارگئے تھے۔


خانیوال میں بس اورٹرالرمیں تصادم ‘ 10 افراد جاں بحق


واضح رہے کہ گزشتہ سال 21 دسمبرکوصوبہ پنجاب کے شہرخانیوال میں موٹروے ایم فور پر دھند کے باعث مسافربس اور ٹرالر میں تصادم کے نتیجے میں 10 افراد جاں بحق جبکہ 20 سے زائد زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں