صوابی: صوبہ خیبرپختونخواہ کے شہر صوابی میں مکان کی چھت گرنے سے ایک ہی خاندان کے 4 افراد جاں بحق ہوگئے۔
تفصیلات کے مطابق صوابی کے علاقے یوسی سوڈھیر سلو میں مکان کی چھت گرنے سے ماں، بیٹی اور 2 بیٹوں سمیت 4 افراد جان کی بازی ہار گئے۔
ریسکیو حکام کا کہنا ہے کہ افسوس ناک حادثے میں باپ اور بیٹا زخمی ہوگئے جنہیں طبی امداد کے لیے اسپتال منتقل کردیا گیا۔
لاہورمیں مکان کی چھت گرگئی‘4 افراد زخمی
لاہور کےعلاقے جنوبی چھاؤنی میں رواں ماہ 10 جنوری کو مکان کی چھت گرنے سے چار افراد ملبے تلے دب گئے تھے۔
قصورمیں مکان کی چھت گرنےسے3 بچے جاں بحق
یاد رہے کہ گزشتہ سال اگست میں قصور کے نواحی علاقے گنڈا سنگھ میں مکان کی چھت گرنے سے 3 بچے جاں بحق جبکہ ایک زخمی ہوگیا تھا۔
ریسکیو اہلکاروں کے مطابق چھت کے ملبے تلے دب کر جاں بحق ہونے والے بچوں میں دو بھائی اور بہن شامل تھے۔
لاہور: مکان کی چھت گرنے سے دو بچوں سمیت چھ افراد جاں بحق
واضح رہے کہ گزشتہ سال 6 جنوری کو لاہور کے علاقے اندرون دہلی گیٹ میں بوسیدہ مکان کی چھت گرنے سے دو بچوں سمیت چھ افراد جاں بحق ہوگئے تھے۔
