لاہور : ہنجروال سے مبینہ طورپر اغوا ہونے والی چاروں بچیوں کو بازیاب کرالیا گیا ، چاروں بچیاں ہنجروال سے چند روز پہلے مبینہ طور پر اغوا ہوئی تھیں۔
تفصیلات کے مطابق لاہور میں ہنجروال سے مبینہ طورپر اغواہونے والی چاروں بچیاں بازیاب کرالی گئیں، پولیس کا کہنا ہے کہ سی آئی اےانویسٹی گیشن پولیس کی مشترکہ ٹیم نے بچیوں کوساہیوال سےبازیاب کرایا، چاروں بچیاں غلہ منڈی پولیس کی تحویل میں ہیں۔
گذشتہ روز لاہور کے علاقے ہنجروال میں 4 بچیوں کے گمشدہ ہونے سے متعلق ابتدائی تحقیقات سامنے آئیں تھیں ، پولیس حکام کا کہنا تھا کہ ایک بچی کے پاس موبائل فون موجود ہے، بچیوں کی لوکیشن جوہر ٹاؤن آرہی ہے، جلد بچیوں تک پہنچ جائیں گے۔
پولیس کے مطابق مالک مکان اور کرایہ داروں کی بچیاں چار دن قبل لاپتا ہوئیں، بچیوں میں 10 سالہ انعم، 11 سالہ کنزہ، 8 سالہ عائزہ اور 14 سالہ ثمرین شامل ہیں۔
پولیس حکام نے کہا تھا کہ لڑکیاں میٹرو ٹرین سیر کے لیے نکلیں تھیں محلہ دار عمر رابطے میں تھا، چاروں لڑکیاں گلشن راوی کے قریب اتریں اور رکشہ کیا، رکشہ ڈرائیور نے بچیوں کو ای ایم ای سوسائٹی کے قریب اتارا تھا۔
واضح رہے چاروں بچیاں ہنجروال سےچندروزپہلےمبینہ طورپراغواہوئی تھیں اور چاروں بچیوں کے اغوا کا مقدمہ واقعے کے 48 گھنٹے بعد درج ہوا تھا۔
