بھارت میں برڈ فلو کے بعد ایف پی وی نامی مہلک وائرس بلیوں میں پھیلنے کی وجہ سے سیکڑوں بلیوں کی موت ہوگئی۔
کرناٹک میں برڈ فلو کے بعد ایف پی وی نامی مہلک وائرس تیزی سے بلیوں میں پھیلنے لگا، رائے چور ضلع وائرس کی وجہ سے سیکڑوں بلیوں کی موت ہوگئی۔
متاثرہ بلیوں کے زندہ رہنے کے امکان بہت ہی کم تقریبا ایک فیصد ہیں۔
یہ وائرس انتہائی متعدی اور تیزی سے پھیلنے والا ہے، ماہرین کا کہنا ہے کہ انسان اور کتوں کو اس وائرس کا خطرہ نہیں ہے۔
ماہرین کے مطابق بلیوں کے مالکان کو چاہیے کہ وہ اپنے پالتو جانوروں کی حفاظت کے لیے فوری اقدامات کریں۔
ایف پی وی وائرس بہت تیزی سے پھیلتا ہے اور اس کا کوئی خاص علاج نہیں ہے، ماہرین نے صلاح دی ہے کہ بلی پالنے والوں کو زیادہ محتاط رہنے کی ضرورت ہے۔ ایسا خیال کیا جا رہا ہے کہ وائرس سے متاثر ہونے پر بلیوں کے بچنے کے امکانات بہت کم ہوتے ہیں۔ متاثرہ 100 بلیوں میں سے 99 کے مرنے کا امکان ہے۔
بلیوں کو متاثر کرنے والا مہلک ایف پی وی وائرس پوری ریاست میں تیزی کے ساتھ پھیل رہا ہے۔
یہ وائرس اتنا خطرناک ہے کہ اگر ایک گروپ میں 10 بلیاں ہیں اور ان میں سے ایک وائرس سے متاثر ہے تو وائرس کچھ ہی سیکنڈوں میں آس پاس کی دیگر 9 بلیوں میں پھیل جائے گا۔ یہی وجہ ہے کہ بلی پالنے والوں میں تشویش اور خوف کا ماحول دیکھنے کو مل رہا ہے۔
’ایڈنبرا اینیمل اسپتال‘ کے ماہرین کے مطابق ایف پی وی وائرس سے انسانوں اور کتوں کو کوئی خاص خطرہ نہیں ہے حالانکہ اس بات کا امکان ضرور ہے کہ یہ وائرس انسانوں کے ذریعہ پہنے گئے کپڑوں، جوتوں یا ہاتھوں کے رابطے سے بلیوں میں پھیل جائے۔
