پیرس : فرانس نے اسرائیل کی بڑی اسلحہ ساز کمپنیوں کو ایئر شو میں شرکت سے روک دیا، اسرائیلی کمپنیوں کے جارحانہ ہتھیاروں کی نمائش پر پابندی ہے۔
تفصیلات کے مطابق پیرس ایئرشو2025 کا آغاز ہوگیا ، جس میں ڈرون و ایئر ڈیفنس پر خصوصی توجہ مرکوز ہے، ایئر شو 22 جون تک لی بورجے ایئرپورٹ پیرس میں جاری رہے گا۔
ایونٹ میں جدیدجنگی طیارے،میزائل اورڈرون ٹیکنالوجی کی نمائش کی جارہی ہے جبکہ فرانس نے اسرائیل کی بڑی اسلحہ ساز کمپنیوں کو ایئر شو میں شرکت سے روک دیا۔
ایل بٹ،رافیل،آئی اے آئی اور یو ویژن کو ایئر شو میں شرکت کی اجازت نہیں دی گئی، فرانسیسی حکام نے کہا اسرائیلی کمپنیوں کے جارحانہ ہتھیاروں کی نمائش پر پابندی ہے۔
اسرائیل کےآئرن بیم، آئرن بیم ایم اور لائٹ بیم جیسے لیزر ہتھیاروں کی نمائش پر اعتراض کیا گیا اور رافیل کمپنی کو فضا سے فضا میں مار کرنے والے میزائل کی نمائش سے روک دیا گیا۔
آئی اے آئی کے ایرو اور باراک ایم ایکس ایئر ڈیفنس سسٹمز بھی نمائش سے ہٹا دیئے گئے۔
چین کوایئرشو میں مکمل شرکت کی اجازت ہے اور جدید طیاروں کی نمائش جاری ہے ، چینی جے 10، جے35 جنگی طیارے اور اے جی 600 فائر فائٹنگ طیاروں کو نمائش میں رکھا گیا ہے۔
