پیرس: فرانس کے سابق صدر نکولس سرکوزی نے صدارتی نامزدگی حاصل کرنے میں ناکامی کے بعد سیاست سے کنارہ کشی کرنے کااعلان کردیا۔
تفصیلات کےمطابق فرانس میں صدارتی انتخابات کےلیےپارٹی نامزدگی حاصل کرنے کی دوڑ شروع ہوگئی۔دائیں بازو کی ریپبلکن جماعت کی نامزدگی حاصل کرنےکےلیےاتوارکوپرائمری الیکشن کاانعقاد کیاگیا۔
پرائمری انتخاب میں سابق صدرنکولس سرکوزی نےشکست تسلیم کرتے ہوئے عملی سیاست سےکنارہ کشی کرنےکااعلان کردیاہے۔
فرانس کے کنزریویٹو پرائمری انتخابات کے سلسلے میں 10229پولنگ اسٹیشنز میں سے 9ہزار 36 پولنگ اسٹیشن کے نتائج جای کر دیے گئے ہیں ۔
غیر ملکی خبرایجنسی کے مطابق فرانس کے کنزریویٹو پرائمری انتخابات میں سابق صدرنکولس سرکوزی کوشکست ہوئی ہے جبکہ سابق وزیر اعظم فرانکوئس فلن 44.2 فیصد ووٹ حاصل کرکے سب سے آگے ۔
الین جوپ نے28.3فیصداور سرکوزی نے21 فیصدووٹ حاصل کیے۔فرانس میں صدارتی انتخابات اگلے سال ہوں گے۔
فرانس کے سابق صدر نکولس سرکوزی کاکہناہےکہ انتخاب کے اگلےمرحلےمیں وہ سابق وزیراعظم فلن کو ووٹ دیں گے۔
یاد رہے کہ نکولس سرکوزی 16مئی 2007 سے لے کر15 مئی 2012 تک فرانس کے صدر کے عہدے پر فائز تھے۔
واضح رہے کہ صدارتی امیدوار کےانتخاب کےاگلےمرحلےمیں فرانسس فلن اورآلیان جوپی کےدرمیان کانٹے کےمقابلے کی توقع ہے۔
