پیرس: فرانس کے دارالحکومت میں ایک چھوٹا طیارہ پرواز کے کچھ دیر بعد گر کر تباہ ہو گیا، حادثے میں 4 افراد ہلاک ہو گئے۔
تفصیلات کے مطابق اتوار کو پیرس میں ایک چھوٹا مسافر بردار طیارہ گر کر تباہ ہو گیا جس میں چار افراد ہلاک ہو گئے، یہ حادثہ سینٹ پیتھوس میں پیش آیا، طیارے نے پیرس سے 70 کلو میٹر کے فاصلے پر بیویس سے اڑان بھری تھی۔
حادثے کا شکار ہونے والا طیارہ دی رابن ڈی آر 400 تھا، جو ایک ڈپارٹمنٹل روڈ سے پچاس میٹر کے فاصلے پر ایک کھیت میں تباہ شدہ حالت میں ملا۔ حکام نے حادثے کے سلسلے میں تحقیقات شروع کر دی ہیں۔
مقامی پولیس کے مطابق طیارہ تربیتی پرواز پر تھا، اچانک طیارہ ہچکولے کھانے لگا اور پھر لہراتے ہوئے ایک کھیت میں کریش ہو گیا، طیارے کا کنٹرول ٹاور سے رابطہ بھی منقطع ہو گیا تھا جس پر سرچ آپریشن کیا گیا۔
تاحال یہ معلوم نہیں ہو سکا ہے کہ طیارہ کون اڑا رہا تھا، پولیس نے ہلاک شدگان کی شناخت بھی ظاہر نہیں کی ہے۔
میڈیا رپورٹس کے مطابق طیارہ کریش ہونے کے بعد اس میں آگ بھڑک اٹھی تھی، ریسکیو آپریشن کے دوران تباہ شدہ طیارے کے ملبے سے چار افراد کی لاشیں نکالی گئیں۔
#France :- Four people were killed this Sunday in Saint-Pathus (Seine-et-Marne) in the accident of a passenger plane that had taken off from Beauvais. The Robin DR400 aircraft was found at approximately 2 p.m. in a field 50 m from a departmental road. pic.twitter.com/AtLOkIqd4a
— Wᵒˡᵛᵉʳᶤᶰᵉ Uᵖᵈᵃᵗᵉˢ (@W0lverineupdate) April 18, 2021
بتایا جا رہا ہے کہ طیارے کو فرانس کے سب سے بڑے ایئر پورٹ پیرس چارلس ڈی گال پر لینڈنگ کرنا تھی لیکن بدقسمتی سے محض 20 کلو میٹر کے فاصلے پر حادثے کا شکار ہو گیا۔
