لاہور: فرانس میں مسافر بردار طیارہ گر کر تباہ ہوگیا جس کے نتیجے میں 3 افراد ہلاک ہوگئے۔
غیرملکی خبررساں ادارے کی رپورٹ کے مطابق فرانس کے شمال مغربی علاقے برٹنی میں سینٹ بریوک ہوائی اڈے کے قریب اتوار ایک انجن والا طیارہ حادثے کا شکار ہوگیا جس کے نتیجے میں تین افراد ہلاک ہوگئے۔
مقامی فائر سروسز کے مطابق حادثے میں ہلاک ہونے والے مسافروں کی عمریں 20 سال اور پائلٹ عمر 62 سال ہے۔
ریڈیو فرانس بلیو نے رپورٹ کیا کہ طیارہ ٹیک آف کے فوراً بعد ہنگامی لینڈنگ کرنے میں ناکام رہا اور ہوائی اڈے کے قریب جنگل میں گر کر تباہ ہو گیا۔
سینٹ بریوک کے پراسیکیوٹر نے حادثے کی وجوہات جاننے کے لیے تحقیقات شروع کر دی ہیں۔
