ایران کے میزائل حملے کے بعد فرانسیسی صدر نے قطر کی حمایت میں آواز اٹھا دی۔

الجزیرہ کی رپورٹ کے مطابق فرانسیسی صدر میکرون نے ایرانی حملے کے بعد قطر کے ساتھ یکجہتی کا اظہار کیا ہے۔

سوشل میڈیا پوسٹ میں میکرون نے لکھا کہ ’میں تمام فریقوں سے انتہائی تحمل کا مظاہرہ کرنے، کشیدگی کم کرنے اور مذاکرات کی میز پر واپس آنے کا مطالبہ کرتا ہوں۔

انہوں نے کہا کہ افرا تفری کا یہ ماحول ختم ہونا چاہیے۔

یہ پڑھیں: ایران نے قطر میں امریکی اڈے پر میزائل داغ دیے

دوسری جانب امریکی اہلکار کا کہنا ہے کہ ایران نے امریکی فضائی اڈے پر مختصر اور درمیانے فاصلے تک مار کرنے والے بیلسٹک میزائلوں سے حملہ کیا۔

سی این این کے مطابق ایک امریکی دفاعی اہلکار نے پیر کو بتایا کہ قطر میں العدید ایئر بیس پر "ایران سے آنے والے مختصر فاصلے اور درمیانے فاصلے تک مار کرنے والے بیلسٹک میزائلوں سے حملہ کیا گیا۔”

اہلکار نے کہا کہ اس وقت، امریکی ہلاکتوں کی کوئی اطلاع نہیں ہے ہم اس صورتحال کو قریب سے مانیٹر کر رہے ہیں اور جیسے ہی یہ دستیاب ہو جائے گا مزید معلومات فراہم کریں گے۔”