محکمہ اینٹی کرپشن راولپنڈی نے پاکستان تحریک انصاف کے رہنما عمران اسماعیل اور عامر محمود کیانی کے خلاف فراڈ کا مقدمہ درج کرلیا۔
اینٹی کرپشن نے مقدمے میں مؤقف اختیار کیا ہے کہ عمران اسماعیل اور عامر محمود کیانی نے محکمہ مال کی ملی بھگت سے غیر منظور شدہ ہاوسنگ سوسائٹی کی تشہیر کی اور سادہ لوح افراد کے ساتھ فراڈ کیا۔
فراڈ کے مقدمے میں پی ٹی آئی رہنماؤں اور نجی ہاوسنگ سوسائٹی کے مالک سمیت 10 ملزمان کو نامزد کیا گیا ہے جن میں محکمہ مال کے دو لوگ بھی شامل ہیں۔
متن کے مطابق ملزمان نے محکمہ مال کے اہلکاروں کی ملی بھگت سے موضع ہتھیال میں غیر منظور شدہ ہاؤسنگ سوسائٹی کے نام پر سادہ لوح افراد سے دھوکا دہی کی، ہاؤسنگ سوسائٹی کے پاس آر ڈی اے کا این او سی نہیں۔
