The news is by your side.

Advertisement

نہر سوئز : ریت میں پھنسا ہوا بحری جہاز نکال لیا گیا، ٹریفک بحال

: قاہرہ : نہر سوئز میں تقریباً ایک ہفتے سے پھنسے ہوئے بحری جہاز کو زمین کی گرفت سے آزاد کروا لیا گیا، جس کے بعد رکے ہوئے تقریباً ڈھائی سو مال بردار جہازوں کی روانگی کا آغاز ہوگیا ہے۔

مصر کی نہر سوئز میں گزشتہ ہفتے پھنسنے والا دیوہیکل بحری جہاز انتہائی کوششوں کے بعد بالآخر نکال لیا گیا،ایور گرین نامی جہاز کو انجینئروں نے پیر کی دوپہر ساحل سے آزاد کیا۔

اس حوالے سے سویز کینال انتظامیہ کا کہنا ہے کہ پھنسے ہوئے 400میٹر لمبے جہاز کی بحالی کے بعد چینل میں ٹریفک رواں دواں ہے۔ نہر کے کنارے سے جہاز کا سامنے کا حصہ علیحدہ کرلیا گیا۔

غیر ملکی خبر رساں ادارے کے مطابق ایک ویڈیو منظرِعام پر آئی ہے جس میں جہاز کو ایک بار پھر نہر میں تیرتے ہوئے دیکھا جا سکتا ہے تاہم بعد میں جہاز کے مالک نے میڈیا کو بتایا کہ اب تک صرف جہاز کا رخ موڑا جاسکا ہے۔

واضح رہے کہ نہر سوئز دنیا کے مصروف ترین تجارتی راستوں میں سے ایک ہے گزشتہ دنوں وہ بری طرح بلاک ہو گئی اور جہاز رانی کی کمپنیوں کو اپنے بحری جہازوں کا راستہ تبدیل کرنا پڑا اس بحری جہاز کے پھنسنے کی وجہ سے عالمی سطح پر سامان کی آمد و رفت میں تاخیر کا سامنا کرنا پڑا۔

Comments

یہ بھی پڑھیں