ابو ظہبی: متحدہ عرب امارات کے شہر دبئی میں ہفتہ 10 جون کو مفت سائیکل فراہم کی جائے گی، دبئی کے ہر علاقے میں 45 منٹ کے لیے کریم بائیک کے تمام اسٹیشنوں پر مفت سائیکلیں دستیاب رہیں گی۔
اردو نیوز کے مطابق متحدہ عرب امارات دبئی میں ہفتہ 10 جون 2023 کو 45 منٹ تک مفت سائیکل فراہم کی جائے گی۔
دبئی میں روڈ اینڈ ٹرانسپورٹ اتھارٹی ماحول دوست وسائل کے استعمال کی حوصلہ افزائی کر رہی ہے، اس کے تحت دبئی کے ہر علاقے میں 45 منٹ کے لیے کریم بائیک کے تمام اسٹیشنوں پر مفت سائیکلیں دستیاب رہیں گی۔
اتھارٹی کا کہنا ہے کہ جو لوگ 45 منٹ سے زیادہ وقت کے لیے سائیکل استعمال کرنا چاہتے ہوں وہ سائیکلیں کرائے پر حاصل کر سکیں گے۔
دبئی روڈ اینڈ ٹرانسپورٹ اتھارٹی نے ماحولیات کے عالمی دن کے حوالے سے یہ اقدام کیا ہے جو ہر سال 5 جون کو منایا جاتا ہے۔
دبئی اتھارٹی نے سائیکل پروگرام چھٹی کے دن رکھا ہے تاکہ زیادہ سے زیادہ لوگ اس میں شریک ہو سکیں، ہفتے کو سرکاری ملازم چھٹی پر ہوں گے اسی طرح پرائیوٹ سیکٹر کے بیشتر ملازمین کی بھی تعطیل ہوگی۔
