جمعرات, جولائی 25, 2024
اشتہار

مفت بجلی اور صاف پانی فراہم کریں گے، ناصر شاہ

اشتہار

حیرت انگیز

کراچی : سندھ کے وزیر توانائی ناصر حسین شاہ نے کہا ہے کہ عوام کو پینے کا صاف پانی اور بجلی کے مفت یونٹ دیے جائیں گے۔

یہ بات انہوں نے اپنے ایک بیان میں کہی ان کا کہنا تھا کہ ہم نے کوشش کی کہ بجٹ میں عام لوگوں کو زیادہ سے زیادہ ریلیف دیں، جہاں پہلے پینے کا صاف پانی ہوتا تھا وہاں بھی ایشوز آرہے ہیں۔

ناصرحسین شاہ نے کہا کہ 20لاکھ سے زائد گھر ایسے ہیں جن کے پاس لائٹ ہی نہیں ہے، پہلے سال میں 5لاکھ گھروں کو سولر پلانٹ لگا کر دے رہے ہیں۔

- Advertisement -

انہوں نے بتایا کہ پہلے مرحلے میں غریب ترین گھرانوں کو سولر پینلز لگا کردیں گے، ہر ڈسٹرکٹ میں سولر کے منی گیٹ بنائے جائیں گے، بجلی کے بل بہت زیادہ آرہے مڈل کلاس لوگ اپنے گھر کا خرچہ چلائیں یا بلز ادا کریں؟

صوبائی وزیر نے کہا کہ بڑے گھروں کیلئے قرضوں کی اسکیم بنارہے ہیں، قرضوں کا انٹرسٹ سندھ حکومت اپنے ذمہ لے گی، پیپلزپارٹی کا مؤقف ہے لوگ بےروزگار نہ ہوں۔

انہوں نے کہا کہ اگر بڑےادارے معیشت پربوجھ ہیں تو اس پر بات ہوسکتی ہے، ہم نہیں چاہتے ادارے پرائیویٹائز ہوں لیکن اگر ایسا ہوتا ہے تو اُن ملازمین کا خیال رکھا جائے۔

ناصرشاہ کا کہنا تھا کہ ملک کے وسیع تر مفاد میں ہمیں اس فیصلے میں شامل ہونا پڑے گا، بجٹ پر تحفظات ہیں وزیراعلیٰ سندھ نے بھی کچھ چیزیں شیئر کی ہیں۔

انہوں نے کہا کہ گزشتہ دہائی میں سندھ کے ساتھ بہت بڑی زیادتی کی گئی، دوسرے صوبوں میں کھربوں کے کام کیے گئے اور سندھ میں صرف اعلانات ہیں، سندھ کو2فیصد سے زیادہ پی ایس ڈی پی میں حصہ نہیں دیا گیا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں