کراچی : گورنر سندھ کامران ٹیسوری نے فری آئی ٹی کورسز کے لیے ٹیسٹ میں کسی بھی وجہ سے شرکت نہ کرنے والوں کو ایک موقع دینے کا اعلان کردیا۔
تفصیلات کے مطابق گورنر ہاؤس میں فری آئی ٹی کورسز کے لئے ٹیسٹ میں کسی بھی وجہ سے شرکت نہ کرنے والوں کو ایک اور موقع دینے کا اعلان کردیا گیا۔
گورنر سندھ کا کہنا ہے کہ اگر کسی کو ٹیسٹ کے لیے ای میل نہیں آئی، کوئی ٹیسٹ میں بر وقت پہنچ نہیں سکا یا کسی دوسری وجہ سے جو امیدوار رہ گئے وہ پریشان نہ ہوں۔
کامران ٹیسوری نے کہا کہ ایسے تمام امیدوار آج گورنر ہاؤس میں ٹیسٹ دینے آسکتے ہیں، انھیں ٹیسٹ کے لیے 6 اور رات 9 بجے ایک موقع دیا جارہا ہے۔
یاد رہے گورنراینی شیٹو کےتحت آئی ٹی کورس کے لیے ٹیسٹ کا مرحلہ مکمل ہوگیا ہے ، انٹری ٹیسٹ 24مراحل میں روزانہ کی بنیادپرگورنرہاوس میں منعقد کیے گئے۔
5لاکھ ایک ہزاررجسٹرڈطلبہ نےٹیسٹ میں حصہ لیا، ٹیسٹ پاس کرنےوالے50ہزارطلبہ کی جلد کلاسز کا آغاز کیا جائے گا ، کلاسزگورنر ہاؤس میں شفٹوں میں منعقد کی جائیں گی۔
