راولپنڈی: چیف آف آرمی اسٹاف جنرل قمر جاوید باجوہ کی ہدایت پر چولستان میں امدادی کیمپ قائم کر دیا گیا۔
تفصیلات کے مطابق بہاولپور کور نے آرمی چیف کی ہدایت پر چولستان کے خشک سالی سے متاثرہ افراد کے لیے منصوبہ تیار کر لیا۔
چولستان میں 42 بستروں کی گنجائش والا کیمپ لگایا گیا، اور 70 دیہاتوں کو پانی بھی فراہم کیا گیا، 5 ہزار سے زائد مریضوں کا علاج کیا گیا اور انھیں مفت ادویات فراہم کی گئیں۔
- Advertisement -
چولستان کےدور دراز علاقوں میں مفت راشن اور پکا ہوا کھانا بھی فراہم کیا گیا، بیس کیمپ کی جگہوں پر مویشیوں کے علاج معالجے کی سہولت بھی فراہم کی جا رہی ہے۔
کور کمانڈر بہاولپور لیفٹیننٹ جنرل خالد ضیا نے چنن پیر میں میڈیکل کیمپ کا دورہ کیا، واضح رہے کہ پاک فوج کی جانب سے امدادی سرگرمیاں موسم گرما میں جاری رہیں گی۔
