کراچی : چیئرمین پیپلز پارٹی بلاول بھٹو زرداری نے کہا ہے کہ جمہوریت کیلئے آزادی صحافت بہت ضروری ہے، پاکستان میں آزادی اظہار پر غیراعلانیہ دباؤ ہے۔
ان خیالات کا اظہار انہوں نے کراچی پریس کلب کے کے دورے کے موقع پر میڈیا نمائندوں سے گفتگو کرتے ہوئے کیا، انہوں نے کہا کہ آزادی اظہار میں میڈیا کے افراد سب سے زیادہ متاثر ہوتے ہیں۔
آزادی اظہار کا حق تمام حقوق کی ماں ہے، جمہوری قوتوں کیلئے پریس کلب ہمیشہ اہم رہا ہے، ان کا مزید کہنا تھا کہ پاکستان میں آزادی اظہار پر غیراعلانیہ دباؤ ہے، آزادی اظہار کو دبانے کیلئے بندوق اور مذہب کا استعمال کیا جاتا ہے، بنیادی حقوق ہر پاکستانی کا حق ہے۔
ایک سوال کے جواب میں انہوں نے کہا کہ میں نے انگریزی میں تقریر تیار کی ہے امید ہے یہاں اعتراض کیلئے کوئی اسد عمر موجود نہیں ہوگا۔
مزید پڑھیں: آزادی صحافت پر قدغن جمہوریت کو کمزورکرنے کے مترادف ہے،بلاول بھٹو
چیئرمین پیپلزپارٹی بلاول بھٹو نے کہا کہ جمہوریت کیلئے آزادی صحافت بہت ضروری ہے جبکہ پاکستان صحافیوں کےلئے غیر محفوظ بن چکا ہے، ماضی میں کئی صحافیوں کو قتل کیا گیا مگر ملزمان نہیں پکڑے جاتے۔
