آزادی ٹرین کی کراچی آمد، سخت سیکیورٹی انتطامات -
The news is by your side.

Advertisement

آزادی ٹرین کی کراچی آمد، سخت سیکیورٹی انتطامات

کراچی: پاکستان ریلویز کی طرف سے 70 ویں یوم آزادی پر چلائی جانے والی آزادی ٹرین مارگلہ ریلوے اسٹیشن اسلام آباد سے چل پڑی، کراچی آمد سے قبل ریلوے انتظامیہ نے سخت سیکیورٹی اقدامات کیے ہیں۔

تفصیلات کے مطابق جشن آزادی کے موقع پر چلائی جانے والی آزادی ٹرین اپنے سفر پر رواں دواں ہے، عوام کی جانب سے ٹرین کا خیر مقدم کیا جارہا ہے، مذکورہ ٹرین کی کراچی آمد کے حوالے سے خصوصی انتظامات کیے گئے ہیں۔

ریلوے پولیس نے تمام ڈویژنز میں ریلوے اسٹیشنوں اور اہم تنصیبات پر سخت حفاظتی انتظامات مکمل کر لیے، ڈی آئی جی آپریشنز ریلوے پولیس شارق جمال خان نے تمام ایس پیز کو ہدایات جاری کی ہیں کہ وہ اپنے اپنے ہیڈ کواٹرز میں رہ کر سیکیورٹی انتظامات کی نگرانی کریں۔

شارق جمال خان کا کہنا ہے کہ آزادی ٹرین جو پشاور اور کراچی سے ہوتے ہوئے کوئٹہ جائے گی اس کی حفاظت کے لیے ایس پی ریلوے کی زیرنگرانی ریلوے پولیس کی نفری لگائی گئی ہے۔


مزید پڑھیں: آزادی ٹرین، آئی ایس پی آر کی بوگی دلچسپی کامرکز


علاوہ ازیں کمانڈوز، بم ڈسپوزل اسٹاف کاعملہ اور لیڈی کانسٹیبلز بھی آزادی ٹرین کے ساتھ تعینات کی گئی ہیں، ریلوے پولیس کے افسران تمام ریلوے اسٹیشن کی نگرانی کریں گے۔

یاد رہے کہ آزادی ٹرین کا افتتاح گزشتہ روز وفاقی وزیر مملکت اطلاعات و نشریات مریم اورنگزیب نے کیا تھا۔ ٹرین میں آئی ایس پی آر کی جانب سے تیار کی گئی بوگی دلچسپی کا مرکز ہے جس پر بلند محاذ جنگ سیاچن سمیت قدرتی آفات میں کردار کی بھی منظر کشی کی گئی ہے۔

پاکستان آرڈینس فیکٹریز میں تیار کردہ اسلحہ اور جنگی سازو سامان بھی نمائش کے لیے رکھا گیا ہے۔

Comments

comments

یہ بھی پڑھیں