بانگ کانگ: اسٹنٹ کرنا جان لے گیا خطروں کا کھلاڑی ہانگ کانگ میں 68 منزلہ عمارت سے گر کر ہلاک ہوگیا۔
غیر ملکی میڈیا کے مطابق فرانسیسی کھلاڑی ریمی لوسیڈی خطرناک اسٹنٹ کے دوران 721 فٹ کی بلندی سے گر ے، ریمی بلند و بالا عمارت سے کودنے کا اسٹنٹ اپنی انسٹاگرام پوسٹ بنانے کیلئے کر رہے تھے۔
View this post on Instagram
30 سالہ ریمی لوسیڈی ہانگ کانگ کے ٹریگنٹر ٹاور کمپلیکس پر تھے جب وہ مبینہ طور پر پھنس کر عمارت سے لٹکنے کے بعد گر کر مر گئے۔
تفتیش کاروں کے مطابق لوسیڈی عمارت میں پہنچے اور سیکیورٹی گارڈ کو بتایا کہ وہ 40 ویں منزل پر اپنے ایک دوست سے ملنے جا رہے ہیں۔
View this post on Instagram
ساؤتھ چائنا مارننگ پوسٹ کے مطابق لوسیڈی کے بارے میں خیال ہے کہ وہ سب سے اوپر والی منزل پر گئے اور گرنے کے بعد لٹک کر عمارت کی باہر والی سائیڈ پر پھنس گئے اور کھڑکی بجانے لگے، جس سے اندر موجود ایک گھریلو ملازمہ حیران رہ گئیں۔
View this post on Instagram
اس کے بعد اسٹنٹ مین کا توازن کھو گیا اور وہ زمین پر گرنے کے بعد فوراً جان سے چلے گئے۔
اپنی موت سے کچھ دیر قبل لوسیڈی نے اپنی انسٹاگرام پروفائل پر ہانگ کانگ اسکائی لائن کی ایک تصویر پوسٹ کی تھی۔
View this post on Instagram
رپورٹ کے مطابق لوسیڈی نے اب تک بلغاریہ، پرتگال، فرانس، یوکرین اور دبئی جیسے دنیا کے مختلف حصوں میں اسٹنٹ کیے۔
انسٹاگرام پر ان کی ایک تصویر میں انہیں دبئی میں شیخ زید روڈ پر ایک فلک بوس عمارت کی چوٹی پر کھڑے دیکھا جا سکتا ہے۔
View this post on Instagram
لوسیڈی نے 2016 میں فلک بوس عمارتوں پر چڑھنا شروع کیا۔ اس کے بعد سے انہوں نے دنیا بھر کا سفر کیا اور مختلف قسم کے اسٹنٹ کرنے کی کوشش کی۔
