کراچی : گلشن اقبال عابد ٹاون میں دوست کی فائرنگ سے دوست جاں بحق ہوگیا، ملزم نے بیان میں کہا پستول چیک کر رہے تھے کہ اتفاقیہ گولی چل گئی۔
تفصیلات کے مطابق کراچی کے علاقے گلشن اقبال عابد ٹاؤن میں فائرنگ سے نوجوان کے جاں بحق ہوگیا، پولیس نے علی نامی ایک شخص کو حراست میں لے لیا، مقتول ذوہیب اورملزم علی دوست ہیں۔
پولیس نے بتایا کہ مقتول ذوہیب اپنے دوست علی کی گاڑی کا کام کرا کر گاڑی واپس دینے گھر گیا تھا،دونوں افراد پستول چیک کر رہے تھے کہ اتفاقیہ گولی چل گئی۔
تاہم مقتول ذوہیب کے لواحقین نے اتفاقیہ گولی چلنے کے واقعے کو مسترد کر دیا، مقتول کے چچا شہباز نے میڈیا کو بتایا کہ گاڑیاں بنانے کے بہت زیادہ پیسے ملزم کے اوپر ہوگئے تھے، ذوہیب گاڑی بناکر جاتا تھا تو وہ کہتے تھے بعد میں پیسے لے لینا۔
چچا شہباز کا کہنا تھا کہ مجھےسعدنامی شخص کافون آیا، سعد نے کہاکہ ذوہیب کوڈاکوؤں نےگولی ماردی ہے،پولیس کا اتفاقیہ گولی چلنےسےذوہیب کی موت ہونےکے بیان پریقین نہیں ہے، جس نےگولی ماری ہےوہ وکیل کابیٹا ہے۔
پولیس کا کہنا ہے کہ واقعے کے حوالے سے مزید تحقیقات کی جا رہی ہے۔
