The news is by your side.

Advertisement

کمسن بیٹی کو ڈرانے والے والدین کو لینے کے دینے پڑ گئے

قاہرہ : مصر میں یوٹیوبر میاں بیوی کو اس وقت ہزیمت کا سامنا کرنا پڑا جب انہوں نے اپنا حلیہ بگاڑ کر اپنی بیٹی کو ڈرانے کی کوشش کی، ان کا مقصد ویڈیو بنا کر زیادہ پیسے کمانا تھا۔

تفصیلات کے مطابق مصر سے تعلق رکھنے والے یوٹیوبر میاں بیوی کو ڈراؤنی شکل بنا کر اپنی بیٹی کو ڈرانا مہنگا پڑگیا، ویڈیو پر کارروائی کرتے ہوئے بچوں کے حقوق کیلئے کام کرنے والے ادارے نے احمد حسن اور اس کی اہلیہ زینب کے خلاف قانونی کارروائی کا اعلان کردیا۔

غیر ملکی خبر رساں ادارے کے مطابق کے یوٹیوبر احمد حسن کی بیوی نے اپنی ایک کم سن بچی کو ڈرانے اور اسے رُلانے کے لیے چہرے پر سیاہ رنگ لگا کر ڈراؤنی شکل بنائی اور اپنے بال بھی الجھا دیے۔

زینب نامی خاتون یوٹیوبر کا اپنا یہ حُلیہ بنانے کا مقصد یہ تھا کہ وہ اپنی بیٹی کو ڈرا سکیں اور خوف سے روتی بچی کی ویڈیو بنا کر یوٹیوب پر اپلوڈ کریں اور اس کے نتیجے میں زیادہ سے زیادہ پیسے کماسکیں۔

یوٹیوب پر اس ویڈیو کے سامنے آتے ہی مختلف سوشل میڈیا پلیٹ فارمز پر شہریوں نے بچی کے ساتھ اس سلوک پر شدید غم و غصے کا اظہار کیا اور چبی کے والدیں کو کڑی تنقید کا نشانہ بنایا۔

بچوں‌ کے حقوق کے لیے کام کرنے والی تنظیموں نے احمد حسن پر الزام عائد کیا ہے کہ وہ کاروباری مقصد کے لیے کمسن بچی کو استعمال کررہے ہیں۔

Comments

یہ بھی پڑھیں