تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

منی لانڈرنگ کیس : شریف خاندان کا فرنٹ مین وعدہ معاف گواہ بن گیا

لاہور: شریف خاندان کا فرنٹ مین مشتاق چینی وعدہ معاف گواہ بن گیا اور بیان قلمبندکرا دیا ، بیان میں کہا شہباز  شریف اور حمزہ شہباز شریف کے کہنے پر منی لانڈرنگ کی اور کالے دھن کوسفید کرنے میں مرکزی کردارادا کیا۔

تفصیلات کے مطابق شریف خاندان کی مشکلات میں مزید اضافہ ہوگیا ، اپوزیشن لیڈر قومی اسمبلی شہباز شریف کے صاحبزادوں حمزہ شہباز اور سلمان شہباز کا  فرنٹ مین مشتاق چینی وعدہ معاف گواہ بن گیا ہے۔

چیئرمین نیب نے مشتاق چینی کی وعدہ معاف گواہ بننے کی درخواست منظور کر لی ہے۔

چیئرمین نیب کی منظوری کے مطابق چینی کوبیان ریکارڈکرانےکیلئےجوڈیشل مجسٹریٹ کے روبروپیش کیا گیا ، مشتاق چینی نے منی لانڈرنگ کیس بطور وعدہ معاف گواہ بیان قلمبند کرایا۔

شہبازشریف اور حمزہ شہباز شریف کے کہنے پر منی لانڈرنگ کی، مشتاق چینی کا بیان


جوڈیشل مجسٹریٹ احمد وقاص نے مشتاق چینی کا بیان ریکارڈ کیا ، مشتاق چینی نے بیان میں کہا شہبازشریف اور حمزہ شہباز شریف کے کہنے پر منی لانڈرنگ کی ، شہبازشریف فیملی کے کالے دھن کوسفید کرنے میں مرکزی کردارادا کیا۔

یاد رہے مشتاق چینی نے اقرار جرم کر کے وعدہ معاف گواہ بننے کی درخواست چیئرمین نیب کو دی تھی، گزشتہ روز مشتاق چینی کو چیئرمین نیب جسٹس (ر) جاوید اقبال کے روبرو پیش کیا گیا تھا۔

مشتاق چینی کو مکمل بیان ریکارڈ کروانے کے لیے پیر کو دوبارہ پیش کرنے کی ہدایت


دوسری جانب سلمان شہباز , حمزہ شہباز کے فرنٹ مین مشتاق چینی کے بیان کا آج کچھ حصہ ریکارڈ ہو سکا، عدالت نے بند کمرے میں مشتاق چینی کا  بیان ریکارڈ کیا، مشتاق چینی کے وکلا بیان سامنے ریکارڈ کروانے کے لیے اصرار کرتے رہے۔

عدالت نے بیان کا کچھ حصہ ریکارڈ کرنے پر سماعت.ملتوی کرتے ہوئے بیان مکمل.کرنے کے لیے مشتاق چینی کو دوبارہ پیر کو پیش کرنے کی ہدایت کر دی  اور کہا آئندہ سماعت.پر بند کمرے میں مشتاق چینی کا بیان ریکارڈ.کیا جائے گا۔

گذشتہ روز  نیب نے احتساب عدالت سے مشتاق عرف چینی کا راہداری ریمانڈ مانگا تھا ،  جس پر احتساب عدالت کے جج محمد وسیم اختر نےمشتاق عرف چینی کا راہداری  ریمانڈ منظور کرلیا تھا ۔

نیب پراسیکیوٹر کی جانب سے مؤقف اختیار کیا گیا تھا مشتاق چینی کو اسلام آباد نیب آفس میں پیش کرنا ہے، مشتاق چینی کو منی لانڈرنگ کی تفتیش کے  سلسلے میں چئرمین نیب کے روبرو پیش کرنا ہے۔

نیب ذرائع کے مطابق مشتاق چینی نے اقرار جرم کر کے حقائق بیان کر دیئے ہیں اور دو نجی بنکوں کے ذریعے 37 ٹرانزیکشن سے متعلق ریکارڈ نیب کو فراہم کر دیا ہے۔

ذرائع کے مطابق مشتاق چینی نے بتایا ہے کہ 2 بنکس اکاؤنٹس کے ذریعے 50 کروڑ 44 لاکھ 4 ہزار کی غیر ملکی ترسیلات موصول ہوئیں، سلمان شہباز کے اکاؤنٹ  میں 60 کروڑ 30 لاکھ 54 ہزار بذریعہ چیکس منتقل کیے۔ مشتاق چینی نے نیب کو 6 کروڑ 10 لاکھ 27 ہزار 612 روپے کی غیر ملکی ترسیلات کے بارے میں بھی بتا دیا۔

نیب ذرائع کا کہنا تھا  دوران تفتیش مشتاق چینی کے مختلف بنکوں میں 23 بنکس اکاؤنٹس سامنے آئے، جن میں سینکڑوں مشکوک ٹرانزیکشن ہو چکی ہیں جو اربوں روپے کی ہیں، مشتاق چینی نے اپنے اور کمپنی کے نام پر یہ اکاؤنٹس کھلوا رکھے تھے۔

نیب نے بتایا مشتاق چینی ناصرف سہولت کار بلکہ شریف فیملی کا بے نامی دار بھی ہے، مشتاق چینی نے 9 غیر ملکی کرنسی کی مشکوک ٹرانزیکشن کا ریکارڈ نیب کو فراہم کر دیا ہے، 9 ٹرانزیکشن کے ذریعے 6 کروڑ 10 لاکھ 27 ہزار 612 روپے منتقل ہوئے۔

ذرائع کے مطابق مشتاق چینی کو 12 جنوری 2009 تک تواتر سے غیر ملکی ترسیلات موصول ہوتی رہیں۔ ذرائع کا کہنا ہے کہ چیئرمین نیب کی منظوری کے بعد مشتاق چینی کا دفعہ 164 کا بیان ریکارڈ کیا جائے گا۔

خیال رہے کہ مشتاق چینی کو  بیرون ملک فرار ہوتے ہوئے لاہور ایئر پورٹ سے گرفتار کیا گیا تھا، محمد مشتاق چینی پی آئی اے کی پرواز 203 سے دبئی روانہ ہو رہا تھا تاہم اس کا نام ای سی ایل میں شامل ہونے پر اسے آف لوڈ کردیا گیا تھا۔

 

Comments

- Advertisement -
عابد خان
عابد خان
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں