The news is by your side.

Advertisement

کسان نے مہنگی ترین کار کے ڈرائیور کو انوکھا سبق سکھا دیا، تصویر وائرل

لندن : برطانیہ میں ایک مشتعل کسان نے کھیت کے دروازے کے عین سامنے گاڑی کھڑی کرنے والے ڈرائیور کو انوکھا سبق سکھا دیا۔

اطلاعات کے مطابق لِنگورس مڈ ویلز کے علاقے میں واقع ایک کھیت کے مرکزی دروازے پر بی ایم ڈبلیو کے ڈرائیور نے کار پارک کردی تھی۔

ڈرائیور کی اس حرکت کے باعث کھیت میں داخلے کا راستہ بند ہو گیا، کھیت کا کسان یہ دیکھ کر مشتعل ہوگیا اور بی ایم ڈبلیو کے ڈرائیور سے انوکھا انتقام لیتے ہوئے گاڑی کے گرد دھات کی باڑ بنا دی۔

اس حوالے سے گرین پارٹی کی کونسلر ایملی ڈورانٹ جو لِنگورس مڈ ویلز کی نمائندگی کرتی ہیں کا اس حوالے سے کہنا ہے کہ ہم سیاحوں کو اپنے علاقے میں خوش آمدید کہتے ہیں تاہم انہیں بھی ہماری “کام کرنے والے مقامات” کا بھی خیال کرنا چاہیئے۔

انہوں نے مزید کہا کہ ہم یہاں آںے والے سیاحوں کا خیرمقدم کرتے ہیں کیونکہ وہ نہ صرف ہماری معیشت کو بہتر بناتے ہیں بلکہ ان کی آمد ہمارے لیے کئی راستے بھی کھولتی ہے۔

Comments

یہ بھی پڑھیں