The news is by your side.

Advertisement

سعودی عرب: عارضی فروٹ اور سبزی منڈی کا افتتاح

ریاض: مکہ مکرمہ کی ایک میونسپلٹی میں عارضی فروٹ اور سبزی منڈی کھولی گئی ہے تاکہ مقامی افراد کو ضرورت کی سبزیاں اور فروٹ روزانہ کی بنیاد پر آسانی سے مہیا ہوں گے۔

سعودی ویب سائٹ کے مطابق مکہ مکرمہ میونسپلٹی نے العوالی محلے میں عارضی فروٹ اور سبزی منڈی کا افتتاح کیا ہے جو کہ روزانہ صبح 7 سے سہ پہر 3 بجے تک مقامی شہریوں اور مقیم غیر ملکیوں کے لیے کھلی رہے گی۔

میونسپلٹی میں بلدیاتی امور کے ڈائریکٹر جنرل عبد اللہ الزایدی نے بتایا کہ العزیزیہ بلدیاتی کونسل نے سبزی اور فروٹ منڈی کی سہولت فراہم کی ہے، یہاں آنے جانے کے راستے بنا دیے گئے ہیں۔

سبزی اور فروٹ منڈی میں جانے اور اس سے نکلنے کے دروازے الگ رکھے گئے ہیں، منڈی میں رہنما بورڈ نصب کردیے گئے ہیں جبکہ فائر پروف خیمہ نصب ہے۔

بلدیاتی امورکے ڈائریکٹر جنرل نے بتایا کہ عارضی پھل اور سبزی منڈی سے العوالی محلے کے باشندوں کو آسانی ہوگی، انہیں ضرورت کی سبزیاں اور فروٹ روزانہ کی بنیاد پر آسانی سے مہیا ہوں گے۔

عبداللہ الزایدی نے مزید کہا کہ منڈی میں پھلوں اور سبزیوں کی دکانیں بنائی گئی ہیں اور نگرانی کا مؤثر نظام ہے، ان دکانوں پر صرف سعودی شہری ہی کام کرسکیں گے۔ غیر ملکیوں کو پھل اور سبزی فروخت کرنے کی اجازت نہیں ہوگی۔

ان کا کہنا تھا کہ العزیزیہ بلدیہ کے اہلکاروں نے منڈی کے اطراف اور اندر صفائی اور سینی ٹائزنگ کا مکمل بندوبست کر رکھا ہے، مارکیٹنگ ٹرالیوں کا بھی انتظام ہے۔ انہیں مستقل بنیادوں پر سینی ٹائز کیا جا رہا ہے۔

حکام کے مطابق منڈی میں آتے وقت لوگوں کا درجہ حرارت بھی ریکارڈ کیا جا رہا ہے، میونسپلٹی نے یہ انتظام بڑی سبزی منڈیوں میں بھیڑ بھاڑ کو کم کرنے کے لیے کیا ہے۔

Comments

یہ بھی پڑھیں