The news is by your side.

Advertisement

فومیو کشیدا جاپان کے 100 ویں وزیر اعظم منتخب

ٹوکیو: فُومیو کِشیدا جاپان کے 100 ویں وزیر اعظم منتخب ہو گئے۔

تفصیلات کے مطابق جاپان نے اپنا نیا رہنما منتخب کر لیا، فُومیو کِشیدا (Fumio Kishida) ملک کی سیاسی تاریخ کے سو ویں وزیر اعظم ہیں۔

64 سالہ کشیدا کا تعلق مرکزی حکمراں جماعت لبرل ڈیموکریٹک پارٹی سے ہے، پارلیمان کے دونوں ایوانوں میں قانون سازوں نے انھیں ووٹ دے کر وزیر اعظم منتخب کیا۔

ایوان زیریں میں کشیدا نے درکار اکثریت سے 80 ووٹ جب کہ ایوان بالا میں 20 ووٹ زیادہ حاصل کیے، ایوان زیریں میں ان کے ووٹوں کی تعداد 311، اور ایوان بالا میں تعداد 141 رہی۔

کشیدا نے سُوگا یوشی ہِیدے کی جگہ وزارت عظمیٰ کا منصب سنبھالا ہے، وہ ایک تجربہ کار اور پختہ سیاست دان ہیں، اور جاپان کے اعلیٰ سفارت کار کی حیثیت سے معروف ہیں۔

فومیو کشیدا جاپان کے وزیر خارجہ کی حیثیت سے بھی خدمات انجام دی ہیں، انھوں نے چار سال سے زیادہ عرصے جاپان کے ہمسایوں اور اتحادیوں کے ساتھ تعلقات کو بہتر بنانے کے لیے کام کیا۔

کشیدا نے وزیر خارجہ کی حیثیت سے امریکا کے اس وقت برسرِ اقتدار صدر جو بائیڈن کے ہیروشیما کے پہلے دورے کا اہتمام بھی کیا تھا، اس وقت بارک اوباما امریکی صدر تھے۔

واضح رہے کہ سابق وزیر اعظم سوگا یوشی ہیدے نے ایل ڈی پی رہنما کا انتخاب دوبارہ نہیں لڑا۔

Comments

یہ بھی پڑھیں